РӮЗИ ҚУВВАҲОИ МУСАЛЛАҲ. Роҳбарият ва намояндагони шаҳри Ҳисор ба дидорбинии сарбозону афсарон рафтанд
ДУШАНБЕ, 23.2.2024 /АМИТ «Ховар»/. Бахшида ба 31-солагии таъсиси Қувваҳои Мусаллаҳи Ҷумҳурии Тоҷикистон роҳбарият ва намояндагони Мақомоти иҷроияи ҳокимияти давлатии шаҳри Ҳисор ба қисми низомии Кумитаи ҳолатҳои фавқулода ва мудофиаи граждании Ҷумҳурии Тоҷикистон, воқеъ дар ноҳияи Шаҳринав рафта, бо шароити будубоши сарбозону афсарон аз наздик шинос шуданд. Дар ин хусус АМИТ «Ховар» бо истинод ба ин мақомот иттилоъ медиҳад.
Роҳбарият ва намояндагони Мақомоти иҷроияи ҳокимияти давлатии шаҳри Ҳисор туҳфаю анвои гуногуни хӯроквориро ҳамчун ҳадяи ҷашнӣ ба сарбозон тақдим намуданд. Дар идома меҳмонон, аз ҷумла волидайни сарбозон бо хобгоҳ, ошхона, толорҳои истироҳатӣ, хоҷагии ёрирасон, аз ҷумла хоҷагии чорводорӣ ва боғи дарахтони мевадор ва нуқтаҳои хизматрасонии иҷтимоӣ шинос шуданд.
Волидайни сарбозон аз шароите, ки дар қисми низомӣ муҳайё гардидааст, изҳори қаноатмандӣ намуда, ба Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон, инчунин роҳбарияти Кумитаи ҳолатҳои фавқулода ва мудофиаи гражданӣ ва ҳайати шахсии қисми ҳарбӣ арзи сипос намуданд.
Сипас, дар ҳавлии қисми низомӣ бахшида ба 31-солагии таъсиси Қувваҳои Мусаллаҳи Ҷумҳурии Тоҷикистон ҳамоиши тантанавӣ баргузор гардида, роҳбарияти шаҳри Ҳисор хизматчиёну кормандони қисми ҳарбӣ, сарбозон ва афсаронро ба муносибати ҷашни Артиши миллӣ табрик намуданд.
Дар фазои тантанавӣ ба як зумра сарбозону афсарон барои хизмати содиқона дар сафи Артиши миллӣ Ифтихорнома, Сипоснома ва туҳфаҳои Мақомоти иҷроияи ҳокимияти давлатии шаҳри Ҳисор тақдим шуданд.
Ҳунармандони бахши фарҳанги шаҳри Ҳисор барномаи ҷолиби консертиро пешкаши сарбозону афсарон намуданд.
АКС: Мақомоти иҷроияи ҳокимияти давлатии шаҳри Ҳисор
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
