«Саноатсодиротбонк» соли 2023 ба маблағи 374,1 миллион сомонӣ қарзҳои бонкӣ ҷудо намудааст
ДУШАНБЕ, 10.02.2024 /АМИТ «Ховар»/. Соли 2023 аз ҷониби Корхонаи воҳиди давлатии Бонки саноативу содиротии Тоҷикистон «Саноатсодиротбонк» ба маблағи 374,1 миллион сомонӣ қарзҳои бонкӣ ҷудо гардиданд, ки ин нишондиҳанда нисбат ба соли 2022 160,0 миллион сомонӣ зиёд мебошад. Дар ин хусус ба АМИТ «Ховар» дар «Саноатсодиротбонк» хабар доданд.
Тавре дар «Саноатсодиротбонк» ба хабарнигори мо иттилоъ доданд ҷиҳати рушди ҳисоббаробаркуниҳои ғайринақдӣ ва иҷрои Фармони Президенти Ҷумҳурии Тоҷикистон аз 22 июни соли 2023 “Дар бораи тадбирҳои вусъат додани ҳисоббаробаркунии ғайринақдӣ” бо пешниҳоди хизматрасонии молиявии рақамӣ ба муштариён тадбирҳои зарурӣ андешида шуда, соли ҳисоботӣ дар фаъолияти бонкӣ низоми биллингӣ ташкил гардид.
Имрӯзҳо дар сохторҳои амалиётии «Саноатсодиротбонк» ва нуқтаҳои пешниҳоди хизматрасониҳо тавассути ПОС-терминалҳо ва дар замимабарномаи мобилии «ССБ Мобайл» 382 номгӯй хизматрасонии ҳатмии муздноки давлатӣ фаъол гардонида шудааст.
Ба ҳолати 31 декабри соли 2023 шумораи кортҳои пардохтии бонкӣ ба 22 550 адад расонида шуд, ки ин нишондиҳанда нисбат ба ҳамин давраи соли 2022 ба 20 003 адад ё 8 маротиба зиёд мебошад.
Бо зиёд шудани дорандагони кортҳои пардохтии бонкӣ инфрасохтори зарурӣ дар «Саноатсодиротбонк» ҷиҳати хизматрасонии кортҳо ҷорӣ гардида, шумораи нуқтаҳои хизматрасонӣ ба 332 адад расонида шуд. Аз ин шумора 12 ададро банкомат, 66 ададро терминалҳо ва 254 ададро QR рамзҳоро ташкил медиҳанд, ки шумораи нуқтаҳои хизматрасонӣ нисбат ба соли 2022 298 адад зиёд гардидааст.
АКС: АМИТ «Ховар»
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
РӮЗИ БАЙНАЛМИЛАЛИИ ЗАНОНИ ДЕҲОТ. Дар Тоҷикистон беш аз 3 миллион занон дар деҳот зиндагӣ менамоянд
ИМРӮЗ-РӮЗИ КИШОВАРЗОН. Ин соҳа зиёда аз 61 фоизи аҳолиро бо ҷойи кор фаро гирифтааст
Дар доираи Форуми тиҷоратии «New Silk Way» роҳбарони роҳи оҳани Тоҷикистон ва Қазоқистон вохӯрӣ намуданд
Мораторий ба санҷиши субъектҳои соҳибкории хурду миёна то 1 январи соли 2029 тамдид карда мешавад
ҚУРБИ АСЪОР: 1 доллари ИМА аз 9.1600 то 9.2430 сомонӣ муқаррар шудааст
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
