Соли 2023 ба буҷети давлатӣ аз ҳисоби андозҳо ва пардохтҳои дохилӣ беш аз 17 миллиард сомонӣ ворид гардид
ДУШАНБЕ, 15.02.2024 /АМИТ «Ховар»/. Аз ҳисоби андозҳо ва пардохтҳои дохилӣ ба буҷети давлатӣ соли 2023 17 миллиарду 738 миллион сомонӣ ворид гардид, ки беш аз 103 фоизи иҷрои нақшаи аниқшударо ташкил дода, бо назардошти дар баъзе шаҳру ноҳияҳо ва қисми даромади буҷети ҷумҳуриявӣ қабул гардидани буҷетҳои иловагӣ 650 миллион сомонӣ зиёд мебошад.
Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода имрӯз дар нишасти матбуотӣ зимни натиҷагирӣ аз фаъолияти мақомоти андози мамлакат дар соли 2023 ба доираи васеи намояндагони расонаҳои хабарӣ иттилоъ дод, ки иҷрои нақшаи воридоти андозҳо ва пардохтҳо соли 2023 дар тамоми минтақаҳои мамлакат, аз ҷумла дар Вилояти Мухтори Кӯҳистони Бадахшон 104,8 фоиз, Хатлон 105,1 фоиз, вилояти Суғд 104,5 ва шаҳри Душанбе 104,7 фоиз таъмин гардид.
Номбурда афзуд, ки беш аз 100 фоиз иҷро гардидани нақшаи андозҳо ва пардохтҳо дар мамлакат бо рушд намудани иқтисодиёт, беҳтар намудани маъмурикунонии андоз, рақамикунонии соҳа ва андешидани дигар тадбирҳои муҳим муяссар гардидааст.
Гуфта шуд, ки бақияи андозҳо ба ҳолати 1 январи соли 2024 дар маҷмуъ 647,6 миллион сомониро ташкил дод, ки ин омор нисбат ба ҳолати 1 январи соли 2023 67 миллион сомонӣ кам шудааст.
Инчунин соли 2023 дар мамлакат иҷрои сифати қисми даромади буҷети давлатӣ нисбат ба солҳои қаблӣ беҳтар гардида, дар ин давра нақшаи танҳо як намуди андоз –андоз барои захираҳои табиӣ таъмин нагардид.
Марзия САИДЗОДА,
АМИТ «Ховар»
АКС: АМИТ «Ховар»
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
