Соли 2023 олимони Академияи миллии илмҳои Тоҷикистон 30 патент барои ихтироот ба даст оварданд
ДУШАНБЕ, 11.02.2024 /АМИТ« Ховар»/. Соли 2023 аз тарафи олимони Академияи миллии илмҳои Тоҷикистон 30 патенти Ҷумҳурии Тоҷикистон барои ихтироот ва 5 қарори мусбат оид ба додани патенти хурди Ҷумҳурии Тоҷикистон барои ихтироот ба даст оварда шуд. Дар ин хусус зимни нишасти матбуотии Академияи миллии илмҳои Тоҷикистон иттилоъ дода шуд.
Барои истифодаи амалӣ дар истеҳсолот беш аз 30 натиҷаи илмӣ ва 5 пешниҳоди олимони Академияи миллии илмҳои Тоҷикистон манзур шудааст. Ҳамчунин муассисаҳои илмию таҳқиқотии академия аз рӯйи шартнома беш аз 15 фармоиши вазорату идораҳои гуногунро иҷро намуданд.
Дар давраи ҳисоботӣ олимони Академияи миллии илмҳо таҳқиқотро аз рӯйи 113 мавзуъ, аз ҷумла 68 мавзуи илмӣ-таҳқиқотии бунёдӣ, 17 мавзуи илмӣ-таҳқиқотии амалӣ ва 28 мавзуи илмӣ-таҳқиқотии бунёдию амалӣ идома дода, натиҷаҳои назаррас ба даст оварданд.
Аз рӯйи натиҷаҳои илмии бадастомада аз ҷониби кормандони муассисаҳои илмии Академияи миллии илмҳои Тоҷикистон беш аз 3960 кори илмӣ, аз ҷумла беш аз 60 монография, 75 китобу дастур, 10 маҷмуаи мақолаҳо, 10 маводу тавсияномаҳо, 5 фарҳанги истилоҳотӣ ва беш аз 3800 мақолаи илмӣ ва илмию оммавӣ омода гардид, ки аз онҳо 3370 мақола дар маҷаллаҳои илмии ҷумҳурӣ, қариб 400 мақолаи илмӣ дар маҷаллаҳои мамлакатҳои Иттиҳоди Давлатҳои Мустақил ва маҷаллаҳои давлатҳои хориҷи дур ба нашр расиданд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
