Созмони Милали Муттаҳид нақшаи башардӯстонаро ба маблағи 1,6 млрд доллар барои дастгирии Сомалӣ оғоз намуд
ДУШАНБЕ, 02.02.2024 /АМИТ «Ховар»/. Созмони Милали Муттаҳид Нақшаи вокуниши башардӯстонаро барои соли 2024 бо ҷудо намудани 1,6 миллиард доллар барои кумак ба 5,2 миллион сомалиёни ниёзманд оғоз намуд. Тавре АМИТ «Ховар» бо истинод ба «Синхуа» иттилоъ медиҳад, дар ин хусус рӯзи сешанбе намояндаи расмии дабири кулли созмон Стефан Дюжаррик дар брифинг хабар додааст.
Ба гуфти ӯ, Созмони Милали Муттаҳид нақшаро дар якҷоягӣ бо шарикон, инчунин ҳукуматҳои федералӣ ва маҳаллии Сомалӣ таҳия намудааст.
«Соли гузашта Сомалӣ бо нооромиҳои сершумор, аз ҷумла хушксолии харобиовар, боронҳои бесобиқа ва обхезӣ, инчунин ҷараёни нави муҳоҷирон рӯ ба рӯ гардид. Миллионҳо одамон дар Сомалӣ ҳамчунин аз гуруснагӣ ва камғизоӣ азият мекашанд», — иброз намуд Дюжаррик.
Номбурда ишора намуд, ки Раёсати Созмони Милали Муттаҳид оид ба ҳамоҳангсозии масъалаҳои башардӯстона ҳушдори қатъӣ додааст, ки беш аз 4 миллион нафар, ки қариб чоряки аҳолии кишварро ташкил медиҳанд, дар айни замон бо норасоии ҷиддии озуқаворӣ дучор гардидаанд.
Мувофиқи гуфтаҳои Стефан Дюжаррик, илова бар вазъияти ногувори башардӯстона ҳоло Сомалӣ бо хуруҷи бемории вабо, ки дар бисёре аз минтақаҳои мамлакат босуръат паҳн мешавад, рӯ ба рӯ гардидааст.
АКС: «Синхуа»
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
