ТАҚВИМИ АМИТ «ХОВАР»: имрӯз 19 феврал, душанбе, 50-умин рӯзи соли 2024 аст

19 феврали соли 2009 паҳлавони тоҷик Олим Зикаев дар мусобиқаи кушоди XIII Ҷумҳурии Беларус оид ба гӯштини самбо барои дарёфти Ҷоми президенти ин мамлакат дар шаҳри Минск соҳиби медали тилло гардид.

***

19 феврали соли 2010 дастаи мунтахаби футболи Тоҷикистон дар Шри–Ланка дар доираи Ҷоми даъватии Конфедератсияи футболи Осиё бар дастаи мунтахаби Бангладеш бо ҳисоби 3:1 ғалаба ба даст овард.

***

19 феврали соли 2013 дар шаҳри Душанбе Президенти Ҷумҳурии Тоҷикистон Эмомалӣ Раҳмон Директори минтақавии Бонки ҷаҳонӣ оид ба Осиёи Марказӣ Сароҷ Кумар Ҷаро ба ҳузур пазируфтанд.

***

Соли 2018 дар Душанбе масъалаи ба муассисаҳои таҳсилотии олии Федератсияи Русия тибқи квота дохил шудани ҷавонони тоҷик баррасӣ гардид.

***

19 феврали соли 2020 дар Душанбе доир ба содагардонии расмиёти савдо Созишномаи дорои аҳамияти минтақавӣ ба имзо расид.

***

19 феврали соли 2021  дар бинои Ҳукумати мамлакат Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо иштироки муовинони Сарвазири Ҷумҳурии Тоҷикистон, ёрдамчиёни Президент ва роҳбарони якчанд вазорату идораҳои давлатӣ машварати корӣ доир намуданд.

***

Дар ин рӯзи соли 2022 байниПрезиденти Ҷумҳурии Тоҷикистон муҳтарам Эмомалӣ Раҳмон ва Президенти Иёлоти Муттаҳидаи Амрико муҳтарам Ҷозеф Байден ба муносибати 30-юмин солгарди барпо намудани робитаҳои дипломатии ду давлат мубодилаи барқияҳои табрикӣ ба амал омад.

19 ФЕВРАЛ:

Дар Туркманистон — Рӯзи парчами давлатӣ.

***

Дар Непал – Рӯзи Конститутсия.

***

Дар Канада – Рӯзи оила.

 ДАР ИН РӮЗ ТАВАЛЛУД ШУДААНД:

Тӯхта  Иброҳимова – сароянда, Ҳунарпешаи хизматнишондодаи ҶШС Тоҷикистон (1970).