«ТАРБИЯИ ВАТАНДӮСТӢ-ОМИЛИ МУҲИМИ ҲИФЗИ МАНФИАТҲОИ МИЛЛАТ». Таҳти ин унвон дар Хатлон ҳамоиш доир шуд
ДУШАНБЕ, 08.02.2024 /АМИТ «Ховар»/. «Тарбияи ватандӯстӣ-омили муҳими ҳифзи манфиатҳои миллӣ»- таҳти чунин унвон дар шаҳри Бохтар ҳамоиш баргузор гардид, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон.
Ҳамоиш дар робита ба иҷрои нишондиҳандаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ва бахшида ба Соли маърифати ҳуқуқӣ гузаронида шуд.
Афзоиши маҷмуи маҳсулоти дохилӣ, вусъати раванди корҳои ободониву созандагӣ, устувор нигоҳ доштани иқтисоди миллӣ, афзоиши даромади пулии аҳолӣ, коҳиши сатҳи камбизоатӣ, аз якуми январи соли 2024 то ба 40% афзоиш ёфтани музди меҳнати хизматчиёни ҳарбӣ ва кормандони мақомоти ҳифзи ҳуқуқ ва аз 1 июли соли 2024 аз 30% то 40% баланд шудани ҳаҷми нафақаҳои суғуртавӣ, меҳнатӣ ва иҷтимоӣ ва маоши вазифавии кормандони мақомоти ҳокимият ва идоракунии давлатӣ, соҳаҳои иҷтимоӣ дар Паёми Президенти Тоҷикистон ба Маҷлиси Олии Ҷумҳурии Тоҷикистон махсус таъкид гардидаанд.
Инчунин таъсис додани Агентии ҳифзи мероси таърихию фарҳангии назди Ҳукумати мамлакат, тадбирандешӣ ҷиҳати таъсиси ҷойҳои нави корӣ, то соли 2037 ба мамлакати сабз табдил додани Тоҷикистон, таҳияи Барномаи мушаххаси кабудизоркунии мамлакат то соли 2040, соли 2025 мавриди баҳрабардорӣ қарор гирифтани агрегати сеюми НБО «Роғун» аз ҷумлаи нуктаҳои муҳими Паёми Президенти мамлакат ба Маҷлиси Олӣ мебошанд.
Таъкид гардид, ки Соли маърифати ҳуқуқӣ эълон шудани соли 2024 моро вазифадор месозад, ки дар боло бурдани маърифати ҳуқуқии аҳолӣ саҳм гузорем ва риояи ҳатмии қонун, пеш аз ҳама, меъёрҳои Конститутсияи давлатамонро таъмин намоем. Зеро риояву иҷрои қонун, яъне волоияти қонун шарти муҳимтарини бунёди ҷомеаи навин ба шумор меравад. «Эҳтиром ба Конститутсия ва қонун эҳтиром ба ҳуқуқҳои худ ва дигарон мебошад», — гуфтаанд Президенти мамлакат.
Дар ҳамоиш оид ба тақвияти корҳо дар самти баланд бардоштани ҳисси ватандӯстии ҷавонон, муборизаи дастҷамъона бар зидди зуҳуроти номатлуб дар ҷомеа, тарғибу ташвиқи сарфаю сариштакорӣ, пешгирии исрофкорӣ ва зиёдаравӣ дар иду маросим, таълимоти ғайрирасмии динии шаҳрвандон ва воридшавии ноболиғон ба иттиҳодияҳои динӣ сухан гуфта шуд.
АКС:Мақомоти иҷроияи ҳокимияти давлатии вилояти Хатлон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
