Қурбон Ҳакимзода: «Тибқи «Харитаи роҳ» Русия ба Тоҷикистон 300 ҳазор тонна тухмии зироати равғандиҳанда ворид месозад»
ДУШАНБЕ, 02.02.2024 /АМИТ «Ховар»/. Тибқи «Харитаи роҳ», ки байни Вазорати кишоварзии Ҷумҳурии Тоҷикистон ва Вазорати кишоварзии Федератсияи Русия барои солҳои 2024-2026 ба имзо расонида шуд, соли 2024 воридоти 50 ҳазор тонна тухмии зироати равғандиҳанда аз Русия ба Тоҷикистон ва содироти маҳсулоти кишоварзӣ аз Тоҷикистон ба Русия дар нақша аст. Дар ин хусус зимни нишасти матбуотӣ Вазири кишоварзии Ҷумҳурии Тоҷикистон Қурбон Ҳакимзода иттилоъ дод.
Ба гуфтаи Вазири кишоварзӣ, тибқи ин санад ба ғайр аз такмили ихтисоси кормандони соҳаи кишоварзӣ дар заминаи донишгоҳҳои аграрии ду давлат ҳамзамон ҷонибҳо ба мувофиқа расиданд, ки аз Ҷумҳурии Тоҷикистон ба Русия содироти маҳсулоти кишоварзӣ ва аз Русия ба Тоҷикистон воридоти техникаҳои кишоварзӣ, нуриҳои минералӣ ва тухмиҳои зироати равғандиҳанда дар ҳаҷми 300 ҳазор тонна амалӣ шавад.
Дар нишасти хабарӣ гуфта шуд, ки дар айни замон корҳо дар самти воридсозии 50 ҳазор тонна тухмиҳо дар марҳилаи аввал идома дошта, дар назар аст, ки моҳи феврал ворид шаванд.
«Барои боз ҳам беҳтар гардидани сатҳу сифати ҳамкории дуҷониба дар соҳаи кишоварзӣ «Харитаи роҳ» байни Вазорати кишоварзии Ҷумҳурии Тоҷикистон ва Вазорати кишоварзии Федератсияи Русия барои солҳои 2024-2026 ба имзо расонида шуд»,-таъкид гардид дар нишаст.
Ёдоварӣ шуд, ки санади мазкур зимни мулоқоти Вазири кишоварзии Ҷумҳурии Тоҷикистон Қурбон Ҳакимзода бо Вазири кишоварзии Федератсияи Русия Дмитрий Патрушев дар шаҳри Москва, дар ҳошияи ҷаласаи 19-уми Комиссияи байниҳукуматии Ҷумҳурии Тоҷикистон ва Федератсияи Русия ба имзо расид.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
