«ЗАНОН ВА РУШДИ ИЛМИ МУОСИР». Таҳти чунин унвон дар Донишгоҳи давлатии Кӯлоб конференсияи илмӣ-амалӣ доир шуд
ДУШАНБЕ, 11.02.2024. /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба Рӯзи ҷаҳонии занон ва духтарон дар соҳаи илм (11 феврал) таҳти унвони «Занон ва рушди илми муосир» конференсияи илмӣ-амалӣ баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.
Дар конференсияи илмӣ-амалӣ иброз гардид, ки агар ба таърихи тамаддуни башарият назар афканем, нақши занонро хеле назаррасу муассир мебинем, ки ба шарофати онҳо тамаддуни инсоният ба таҳаввулоти бузурге даст ёфтааст. Бахусус дар таърихи гузаштаи ориёитаборон мавқеи зан бузург будааст. Аҷдодони гузаштаи халқи тоҷик нисбат ба зан эҳтироми зиёд доштаанд ва барои ба илму дониш фаро гирифтанашон шароити мусоид фароҳам меовардаанд. Ҳатто дар замонҳои хеле қадим нисбат ба зан — модар мардумони ориёитабор эҳтироми хосса зоҳир намудаанд, ки ин дар достонҳои устуравӣ ва ҳикматҳои донишварони замонҳои қадим бармало дида мешавад.
Зимни конференсияи илмӣ-амалӣ дар мавзуъҳои «Занон ва саҳми онҳо дар рушди илм», «Одамӣ аз илм меёбад камол», «Иҷтимоишавии гендерӣ ва таҳкими худшиносӣ» маърузаҳо пешниҳоди иштирокдорон гардонида шуданд.
Бояд гуфт, ки дар ҷаласаи ифтитоҳӣ ва бахшҳои конференсия беш аз 60 маърузаи профессорон ва омӯзгорон бобати бахшҳои гуногун мавриди баррасӣ ва хулосабарорӣ қарор дода шуд.
Ёдовар мешавем, ки бо қарори Созмони Милали Муттаҳид 11 феврал Рӯзи байналмилалии занон ва духтарон дар илм эълон шуда, он ҳамасола гузаронида мешавад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Даврон Сафарзода: «Олимони тоҷик минбаъд низ бояд барои расидан ба ҳадафҳои стратегии давлат саҳм гузоранд»
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар пойтахт даври шаҳри озмуни ҷумҳуриявӣ баргузор гардид
Олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» ҷамъбаст гардид
Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
НАҚШИ ПЕШВОИ МИЛЛАТ ДАР ГУСТАРИШИ МАЪРИФАТИ ҲУҚУҚИИ ҶОМЕА. Доир ба он дар Донишгоҳи миллӣ конфронси ҷумҳуриявӣ баргузор шуд
«ДУРНАМОИ РУШДИ ИЛМИ ТАЪРИХИ ВАТАНӢ». Дар ҳошияи мулоқоти Президенти Тоҷикистон бо аҳли илм ва маорифи ҷумҳурӣ ҳамоиш доир шуд
Даври ниҳоии олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» оғоз гардид
ОҒОЗИ ДАВРИ ДУЮМИ БАҚАЙДГИРӢ. Тибқи иттилои Маркази миллии тестӣ он то 30 июн идома меёбад
«ТОҶИКОН БОЯД ДОРОИ ҶАҲОНБИНИИ ИЛМИИ ЗАМОНИ МУОСИР БОШАНД». Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
РУШДИ ИЛМ ВА АҲАМИЯТИ ОН БАРОИ ИСТИҚЛОЛИЯТИ ТОҶИКИСТОН. Дар ҳошияи мулоқоти Президенти Тоҷикистон муҳтарам Эмомалӣ Раҳмон бо аҳли илм ва маорифи мамлакат
Дар Донишгоҳи давлатии Кӯлоб оид ба раванди таълим дар синфҳои ибтидоӣ конференсияи ҷумҳуриявӣ баргузор шуд
