35-СОЛАГИИ ИСТИҚЛОЛИ ДАВЛАТӢ. Дар шаҳри Исфара беш аз 500 иншоот бунёду навсозӣ мешавад
ДУШАНБЕ, 12.03.2024 /АМИТ «Ховар»/. Ба истиқболи ҷашни 35-солагии Истиқлоли давлатии Ҷумҳурии Тоҷикистон дар шаҳри Исфара беш аз 500 иншоот бунёду навсозӣ мешавад, ки то имрӯз қариб 50 дарсади ин иншоот мавриди истифода қарор гирифтааст. Дар ин хусус хадамоти матбуоти Раиси вилояти Суғд иттилоъ медиҳад.
Дар иншооти дигар корҳои сохтмонӣ идома дошта, сокинон барои таҷлили ҷашни миллӣ босамар меҳнат менамоянд. Яке аз чунин иншооти ҷашнӣ бинои маъмурӣ, анбор ва нуқтаи шустушӯи нақлиёти ҶДММ «Контакт Интернешнл» аст.
Иттилоъ дода шуд, ки аз тарафи ин ҷамъият дар шаҳри Исфара якчанд иншооти ҷашнӣ бунёд мешавад. Дар ин раванд дар майдони қариб 2 гектар сохтмони истгоҳи нақлиёти ширкати «Ориён» идома дорад.
Мувофиқи нақша дар ин майдон мошинсарой бо ғунҷоиши қариб 100 нақлиёт, нуқтаи таъмир ва шустушӯи автомобилҳо, коргоҳи истеҳсоли дару тирезаҳои пластикӣ, хобгоҳ, бинои маъмурӣ бо 15 утоқи корӣ ва дигар иншооти ёрирасон сохта шуда, саҳни он сабзу хуррам гардонида мешавад.
Ҳоло дар иншоот беш аз 50 бинокор ба корҳои сохтмонӣ ҷалб гардида, гузоштани таҳкурсии бино ва бетонрезӣ босуръат идома дорад. Корҳои сохтмонӣ дар назар аст, ки соли равон ба охир расанд.
Бо мавриди баҳрабардорӣ қарор гирифтани иншоот 120 сокини маҳаллӣ ба шуғли доимӣ фаро гирифта мешавад.
АКС: Хадамоти матбуоти Раиси вилояти Суғд
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Пешвои миллат Эмомалӣ Раҳмон дар ноҳияи Шаҳристон тариқи фосилавӣ 7 иншооти иқтисодию иҷтимоиро мавриди истифода қарор доданд
Сарвари давлат Эмомалӣ Раҳмон ба ноҳияи Шаҳристон ташриф оварданд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 10 иншоотро мавриди истифода қарор доданд
Пешвои миллат Эмомалӣ Раҳмон дар ноҳияи Айнӣ Корхонаи истеҳсоли сурмаро ифтитоҳ намуданд
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
