Ҳамкории Тоҷикистон ва Эрон дар соҳаи телевизион ва радио рушд меёбад
ДУШАНБЕ, 06.03.2024 /АМИТ «Ховар»/. Имрӯз Раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид бо Сафири навтаъйини Ҷумҳурии Исломии Эрон дар Ҷумҳурии Тоҷикистон Алиризо Ҳақиқиён мулоқот намуд. Дар ин хусус ба АМИТ «Ховар» дар Кумитаи телевизион ва радио хабар доданд.
Дар рафти мулоқот масъалаҳои густариши ҳамкории Ҷумҳурии Тоҷикистон ва Ҷумҳурии Исломии Эрон дар соҳаи телевизион ва радио баррасӣ гардид.
Таъкид шуд, ки имрӯз муносибатҳои ҳасанаи ҳар ду ҷониб заминаву имконоти васеи рушду равнақи ҳамкории соҳавиро ба вуҷуд овардааст.
Иброз гардид, ки ҷонибҳо метавонанд дар самти омӯзишу табодули таҷриба, такмили ихтисоси кормандон, баргузории семинару конфронсҳои соҳавӣ, тайёр намудани мутахассисони эҷодию техникӣ ҳамкории самарабахш намоянд.
Сафири Эрон омодагии кишварашро дар густариши ҳамкорӣ дар соҳаи телевизион ва радио таъйид намуда, изҳор дошт, ки баҳри татбиқи ин ҳадафҳо талош менамояд.
Ёдовар мешавем, ки 8 ноябри соли 2023 дар доираи сафари расмии Раиси Ҷумҳурии Исломии Эрон Сайид Иброҳим Раисӣ ба Тоҷикистон дар баробари дигар санадҳои муҳим дар соҳаҳои мухталиф Ёддошти тафоҳуми ҳамкорӣ байни Кумитаи телевизион ва радиои назди Ҳукумати Ҷумҳурии Тоҷикистон ва Созмони садо ва симои Ҷумҳурии Исломии Эрон ба имзо расид, ки он барои тавсеаи ҳамкорӣ имконияти фарохро фароҳам овардааст.
Ҷонибҳо омодагии амиқи худро ҷиҳати рушди ҳамкорӣ дар соҳаи телевизион ва радиошунавонӣ, татбиқи бандҳои Ёддошти тафоҳуми баимзорасида баён доштанд.
АКС: Кумитаи телевизион ва радиои назди Ҳукумати Ҷумҳурии Тоҷикистон
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
