Бахшида ба ҷашни Наврӯз дар ноҳияи Рӯдакӣ ду бунгоҳи тиббӣ ба истифода дода шуд
РӮДАКӢ, 23.03.2024 /АМИТ «Ховар»/. Дар рӯзҳои таҷлили Наврӯзи байналмилалӣ сокинони деҳаҳои Балхии Ҷамоати деҳоти Султонобод ва деҳаи Ҳасанободи Ҷамоати деҳоти Зайнабободи ноҳияи Рӯдакӣ соҳиби бунгоҳҳои тиббии замонавӣ гардиданд. Дар ин хусус ба хабарнигори минтақавии АМИТ «Ховар» дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Бунгоҳҳои тиббии деҳаҳои Балхии Ҷамоати деҳоти Султонобод ва деҳаи Ҳасанободи Ҷамоати деҳоти Зайнабободи ноҳияи Рӯдакӣ бо саҳми соҳибкорони маҳаллӣ ва дастгирии мақомоти иҷроияи ҳокимияти давлатии ноҳия бунёд ёфта, бо шароити мусоиди хизматрасонии тиббӣ таъмин гардидаанд.
Бунгоҳи тиббии деҳаи Балхии Ҷамоати деҳоти Султонобод дорои 6 ҳуҷра буда, барои 700 хоҷагӣ ва дар умум ба зиёда аз 3000 аҳолии маҳал хизмати тиббӣ мерасонад. Бунгоҳи тиббии деҳаи Ҳасанободи Ҷамоати деҳоти Зайнабобод бошад аз 5 ҳуҷраи корӣ иборат буда, ба сокинони 500 хоҷагӣ хизмати тиббӣ мерасонад.
Ҳамчунин ба ифтихори ҷашни Наврӯзи байналмилалӣ бо иштироки меҳмонон дар деҳаи Мавҷи Ҷамоати шаҳраки Мирзо Турсунзода ба корҳои сохтмонии бинои иловагии Муассисаи таҳсилоти миёнаи умумии №83 оғози расмӣ бахшида шуд. Бинои мазкур аз 2 ошёна ва 12 синфхона иборат буда, дар муддати муайяншуда бо саҳми соҳибкорони маҳаллӣ сохта мешавад ва бо мизу курсӣ ва дигар таҷҳизоти зарурӣ муҷаҳҳаз мегардад.
Айни замон дар муассисаи таълимӣ 549 нафар хонанда ба таҳсил фаро гирифта шудааст. Дар мавриди ба истифода додани бинои иловагии муассиса мушкилоти ҷойи нишаст дар ин деҳа бартараф мегардад.
АКС: Мақомоти иҷроияи ҳокимияти давлатии ноҳияи Рӯдакӣ
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
