Бар асари фурӯ рехтани бино дар шарқи Покистон 9 нафар ҳалок гардид
ДУШАНБЕ, 13.03.2024 /АМИТ «Ховар»/. Субҳи рӯзи сешанбе бар асари фурӯ рехтани бинои истиқоматӣ дар шаҳри Мултони вилояти Панҷоб, воқеъ дар шарқи Покистон 9 нафар ҳалок ва ду нафар захмӣ шуданд. Тавре АМИТ «Ховар» бо истинод ба «Синхуа» иттилоъ медиҳад, дар ин хусус мақомоти маҳаллии шаҳри Мултон хабар додаанд.
Бинои сеошёна субҳи барвақт дар наздикии минтақаи дарвозаи Ҳарам фурӯ рехт,- хабар додааст ба «Синхуа» намояндаи хадамоти ноҳиявӣ оид ба ҳолатҳои фавқулода Калим Улла, ки амалиёти наҷотро раҳбарӣ менамуд.
Ба гуфтаи ӯ, дар маҷмуъ 11 нафар дар зери харобаҳо мондаанд, пас аз амалиёти чандсоатаи наҷот ва ҷустуҷӯ 9 ҷасад пайдо ва ду нафари дигар аз зери харобаҳо зинда берун бароварда шуданд.
Иброз гардид, ки ҳамаи захмиён ба беморхонаи маҳаллӣ интиқол дода шуданд.
Ба гуфтаи ӯ, дар байни ҳалокшудагон ҳафт нафар аз як хонавода будаанд.
АКС аз манбаъҳои боз
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
