Дар Донишгоҳи аграрии Тоҷикистон оид ба тарбияи ватандӯстии шаҳрвандон ҳамоиш доир гардид

Март 31, 2024 11:41

ДУШАНБЕ, 31.03.2024 /АМИТ «Ховар»/. Бо ибтикори Кумитаи кор бо ҷавонон ва варзиши назди Ҳукумати Ҷуммҳурии Тоҷикистон дар Донишгоҳи аграрии Тоҷикистон ба номи Шириншоҳ Шоҳтемур таҳти унвони «Тарбияи ватандӯстии шаҳрвандон — омили таҳкими пояҳои давлатдории миллӣ» ҳамоиши илмӣ — маърифатӣ доир гардид, хабар медиҳад АМИТ «Ховар» бо истинод ба маркази таҳлил ва иттилооти дастгоҳи марказии ин кумита.

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода иброз намуд, ки саҳм гузоштан дар ободиву созандагӣ, пешрафту шукуфоӣ ва дар арсаи байналмилалӣ муаррифӣ намудани Тоҷикистон аз саҳми ҳар ҷавони худогоҳ ва донишҷӯи заковатманд вобаста аст.

Ҳамзамон таъкид гардид, ки бо назардошти вазъи тағйирёбандаи ҷаҳони муосир аз ҳар ҷавони ватандӯсту хештаншинос, махсусан донишҷӯён даъват ба амал меорем, ки бетарафӣ накарда, баҳри таъмини тартиботи ҷамъиятӣ ва пешгирии амалу кирдорҳои халалдоркунандаи тартиботу осоиштаҳолии шаҳрвандон, ҳифзи арзишҳои миллӣ, роҳ надодан ба хурофоту бегопарастӣ, баланд бардоштани ҳувияти миллии наврасон ва аз даст надодани зиракии сиёсӣ дар раванди ҷаҳонишавӣ зери сиёсати хирадмандонаи Пешвои миллат муттаҳид гардида, дар ин радиф бо сохторҳои дахлдор, бахусус Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамкории зич намоянд.

Гуфта шуд, ки маҳз дар ҳамбастагӣ бо тамоми институтҳои шаҳрвандӣ метавон волоияти қонун, тарбияи ватандӯстӣ ва назму тартиботро дар ҷомеа таъмин намуд.

Ректори Донишгоҳи аграрии Тоҷикистон ба номи Шириншоҳ Шоҳтемур Усмон Маҳмадёрзода ин гуна вохӯриҳоро иқдоми муҳиму саривақтӣ дониста, изҳор намуд, ки он дар баланд бардоштани маърифати ҳуқуқии ҷавонони донишгоҳ саҳми арзанда мегузорад.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Март 31, 2024 11:41

Хабарҳои дигари ин бахш

Тошканд пойтахти ҷавонони Иттиҳоди Давлатҳои Мустақил гардид
Таҷдиди неругоҳи «Қайроққум» бомаром идома дорад
Байни Донишгоҳи давлатии Кӯлоб ва панҷ донишгоҳи Узбекистон шартномаи ҳамкорӣ баста шуд
Оё Тоҷикистонро пешрафти рақамӣ интизор аст?
Дар шоҳроҳи Душанбе — Чанок теъдоди қуттиҳои махсус барои партов ба 70 адад расонида мешавад
Имрӯз дар Тоҷикистон ҳавои бебориш пешгӯӣ мешавад
Барои арзёбии таъсири эҳтимолии офатҳои табиӣ ба устувории қарзи Арманистон, Тоҷикистон ва Қирғизистон санади корӣ таҳия гардид
Бар асари обхезӣ дар Танзания 1000 нафар бе сарпаноҳ монд
Дар Амороти Муттаҳидаи Араб дар бораи миқдори зиёдтарини бориш дар 75 соли охир гузориш доданд
Имрӯз дар ноҳияҳои доманакӯҳ ва ағбаҳои Тоҷикистон туман мефарояд
Амири Кувайт сарвазири навро таъйин намуд
Дар Уммон бар асари обхезиҳо 15 нафар ба ҳалокат расид