Дар Эстония Хонаи савдои Тоҷикистон таъсис дода мешавад
ДУШАНБЕ, 28.03.2024 /АМИТ «Ховар»/. Густариши муносибатҳои дуҷонибаи мутақобилан судманди тиҷоратӣ байни Тоҷикистон ва Эстония дар вохӯрии директори Агентии содироти назди Ҳукумати Ҷумҳурии Тоҷикистон Баҳриддин Сироҷиддинзода ва директори идоракунандаи Гурӯҳи ширкатҳои «ФЕС» ва ҳамзамон директори иҷроияи Ширкати масъулияташ маҳдуди «European Dip Service»-и Ҷумҳурии Эстония Андрей Фешенко баррасӣ гардид.
Тавре ба АМИТ «Ховар» дар Агентии содирот хабар доданд, зимни мулоқот ҷонибҳо масъалаи ташаккули низоми миллии дастгирии содирот, баланд бардоштани рақобатпазирии маҳсулоти ватанӣ дар бозорҳои хориҷӣ, тақвияти инфрасохтори нақлиётӣ-логистикӣ, муаррифии маҳсулоти содиротии ватанӣ ва содироткунандагон, баланд бардоштани мақоми байналмилалии Ҷумҳурии Тоҷикистон ҳамчун шарики боэътимод дар муносибатҳои иқтисоди хориҷӣ ва дарёфти бозорҳои нави содиротиро мавриди муҳокима қарор доданд.
Дар ҳошияи вохӯрӣ Созишнома дар бораи ҳамкорӣ ва фаъолияти якҷоя оид ба амалкунии сохтори Хонаи савдои Тоҷикистон дар Ҷумҳурии Эстония ба имзо расонида шуд.
Ҳадаф аз таъсис додани Хонаи савдои Тоҷикистон дар хориҷи мамлакат- ин муаррифии имконияти содиротӣ, муҳайё намудани шароити зарурӣ барои содироткунандагон ва соҳибкорони ватанӣ дар ҳудуди мамлакатҳои хориҷӣ буда, ба соҳибкорон имконият фароҳам меояд, ки молу маҳсулот ва хизматрасониашонро муаррифӣ ва пешниҳоди харидорони хориҷӣ намуда, фаъолияти корхонаҳои истеҳсолиашонро тақвият бахшанд.
Бояд гуфт, ки таъсиси Хонаи савдои Тоҷикистон дар Ҷумҳурии Эстония ба содироти маҳсулоти ватанӣ ба мамлакатҳои Иттиҳоди Аврупо мусоидат менамояд.
АКС: Агентии содироти назди Ҳукумати Ҷумҳурии Тоҷикистон
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
Вазири энергетика ва захираҳои оби Тоҷикистон бо лоиҳаҳои рақамикунонии ширкати «KEGOC»-и Қазоқистон шинос шуд
Байни Тоҷикистон ва Қазоқистон дар самти муқовимат ба коррупсия Ёддошти тафоҳум оид ба ҳамкорӣ ба имзо расонида шуд
