Дар Филиали Донишгоҳи давлатии Москва дар шаҳри Душанбе конференсияи байналмилалии илмӣ-амалии «Геология дар макон ва замон» доир шуд
ДУШАНБЕ, 20.03.2024 /АМИТ «Ховар»/. Дар Филиали Донишгоҳи давлатии Москва ба номи М.В. Ломоносов дар шаҳри Душанбе конференсияи байналмилалии илмӣ-амалии «Геология дар макон ва замон» баргузор шуд.
Тавре ба АМИТ «Ховар» дар филиали ин донишгоҳ хабар доданд, дар конференсия намояндагони 26 муассисаи таълимӣ ва марказҳои илмӣ-таҳқиқотии Тоҷикистон ва мамлакатҳои хориҷи наздик иштирок намуда, ҷанбаҳои мубрами маҷмуи мураккаби илмҳои геологиро муҳокима намуданд.
Иштирокчиёни конференсия инчунин дар ҷашни байналмилалии Наврӯзи донишгоҳ иштирок намуданд.
Дар доираи конференсия иштирокчиён ба ҳудуди водии дарёи Фон-Яғноб, ки аз шаҳраки Анзоб дар Шарқ то шаҳраки Сарвода дар Ғарб тӯл мекашад, рафта, бо ёдгориҳои фаровону беназири геологӣ ва аввалин геопарки эҳтимолии Тоҷикистон шинос шуданд.
Меҳмонон аз дидани водии Яғноб, шаршараҳои Марзич, «манора»-и Анзоб, дараҳо, оташи ангишти Фон-Яғноб бо «вулқончаҳои» хушманзара, дарахтони сангшудаи Равот ва ғайра ба ҳайрат омаданд.
Иштирокчиён аз сатҳи баланди ташкили чорабинии илмӣ, барномаи рангини фарҳангӣ ва имконияти шиносоӣ бо нигораҳои табиии аслӣ ва манзараҳои сангини дорои ҳаёт ва тамаддуни гузашта изҳори сипос намуданд.
АКС: Филиали Донишгоҳи давлатии Москва ба номи М.В. Ломоносов
Дар Донишгоҳи миллии Тоҷикистон оид ба ҷашни 40-солагии Истиқлоли давлатӣ ва фарҳанги истифодаи неруи барқ ҳамоиш доир шуд
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои илмии вилояти Хуросони Разавии Эрон тақвият меёбад
Дар Донишгоҳи давлатии Кӯлоб ғолибони озмунҳои ҷумҳуриявӣ қадршиносӣ шуданд
Байни Донишгоҳи байналмилалии забонҳои хориҷии Тоҷикистон ва Донишгоҳи давлатии шарқшиносии Тошканд шартномаи ҳамкорӣ ба имзо расид
Дар Донишгоҳи давлатии Кӯлоб оид ба ташаккули фарҳанги муошират конференсияи ҷумҳуриявӣ баргузор шуд
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
Дар Тошканд Форуми байналмилалии «Осиёи Марказӣ фазои нави маориф, илм ва инноватсия» баргузор гардид
Пагоҳ маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» баргузор мегардад
«EDONISH: МАКТАБ, ВОЛИДАЙН ВА ТАҲСИЛОТ ДАР МУҲИТИ РАҚАМӢ». Дар Душанбе нишасти матбуотӣ доир гардид
Ёддошти тафоҳум оид ба рушди фаъолияти илмӣ ва таълимӣ дар самти дипломатияи об ба имзо расид
Дар нуҳ моҳ машғулиятҳои кӯтоҳмуддати касбомӯзиро 6597 нафар хатм намуданд
Дилрабо Мансурӣ бо ҷараёни баргузории даври ниҳоии Озмуни «Илм – фурӯғи маърифат» шинос шуд
