Дар нашри сеюми Китоби сурхи Тоҷикистон 245 намуди ҳайвонот ва 304 намуди наботот ворид мешаванд
ДУШАНБЕ, 12.03.2024 /АМИТ «Ховар»/. Дар нашри сеюми Китоби сурхи Тоҷикистон 245 намуди ҳайвонот ва 304 намуди наботот ворид мешаванд. Ҷунин гуфта шуд дар ҷаласаи корӣ, ки дар он таҳияи нашри сеюми Китоби сурхи Тоҷикистон баррасӣ гардид.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки ҷаласаи корӣ бо ибтикори Академияи миллии илмҳои Тоҷикистон ва Кумитаи ҳифзи муҳити зисти назди Ҳукумати Ҷумҳурии Тоҷикистон гузаронида шуда, дар он олимону мутахассисон ва таҳиягарони Китоби сурхи Тоҷикистон иштирок намуданд.
Муовини якуми Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Зарафо Қиёмзода ва ноиби Президенти Академияи миллии илмҳои Тоҷикистон Абдусаттор Саидов доир ба моҳият ва мақсаду вазифаҳои Китоби сурх ва зарурати он дар ҳифзу нигоҳдории намудҳои нодиру камёфти набототу ҳайвонот сухан гуфтанд.
Дар ҷаласа роҳбарони гурӯҳҳои корӣ доир ба намудҳои нави ҳайвоноту набототе, ки ба Китоби сурхи Тоҷикистон ворид мешаванд ва намудҳои аз китоб хориҷ кардашуда маъруза намуданд.
Гуфта шуд, ки дар нашри сеюми Китоби сурхи Тоҷикистон 245 намуди ҳайвонот ва 304 намуди наботот ворид мешаванд.
Тибқи талаботи Иттиҳоди байналмилалии ҳифзи табиат (IUCN) ва Низомномаи Китоби сурх дар ҳар 10 сол бояд Китоби сурх тибқи талабот ва дараҷабандии IUCN аз нав таҷдид ва чоп гардад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
