Дар Сарраёсати молияи вилояти Хатлон вобаста ба пешгирии омилҳои коррупсионӣ вохӯрӣ баргузор шуд

Март 14, 2024 19:22

ДУШАНБЕ, 14.03.2024 /АМИТ «Ховар»/. Дар Сарраёсати Вазорати молияи Ҷумҳурии Тоҷикистон дар вилояти Хатлон барои пешгирӣ аз амалҳои коррупсионӣ дар заминаи татбиқи Стратегияи давлатии муқовимат ба коррупсия дар Ҷумҳурии Тоҷикистон бо иштироки намояндаи Агентии давлатии молиявӣ ва мубориза бо коррупсияи Ҷумҳурии Тоҷикистон дар вилояти Хатлон вохӯрӣ доир гардид.

Тавре АМИТ «Ховар» бо истинод ба Сарраёсати Вазорати молия дар вилояти Хатлон хабар медиҳад, дар ҷамъомад сардори Сарраёсати Вазорати молия Ҳабибулло Иззатуллозода ва нозири шуъбаи муқовимат ба коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Хатлон Манучеҳр Қурбонзода оид ба иҷрои нақшаи чорабиниҳои дохилиидоравӣ ва корҳои анҷомдода баҳри мубориза бо коррупсия, роҳҳои пешгирии он ва омӯзиши таҷрибаи пешрафтаи давлатҳои ҷаҳон дар ин самт, оид ба дастоварду пешравиҳое, ки дар замони соҳибистиқлолӣ миллати тоҷик ба онҳо ноил гардид, сухан намуданд.

Гуфта шуд, ки тамоми муваффақият ва пешравиҳои ҷумҳурӣ ба хизмату талошҳои пайгиронаи Президенти ҷумҳурӣ муҳтарам Эмомалӣ Раҳмон иртибот мегирад.

Манучеҳр Қурбонзода вобаста ба пешгирии омилҳои коррупсионӣ иброз дошт, ки фасодзадагиву порахӯрӣ на танҳо ба пешрафти давлат зарар дорад, балки яке аз роҳу воситаи нақзи хуқуқи инсон ва шаҳрванд мебошад.

Гарчанде ки ин амалҳои зишти инсонӣ, яъне коррупсия ба ҷамъият ва давлат таъсири манфӣ мерасонанд, мутаассифона, баъзе шахсони мансабдори давлатӣ ва шаҳрвандони одӣ фикри ояндаи давлат ва миллатро накарда, даст ба чунин амалҳои номатлуб мезананд.

Даст задани кормандони давлатӣ ба омилҳои нангини коррупсионӣ ба имиҷи давлат низ зарба зада, боварии мардуми осоиштаро ба фардои дурахшон коста мегардонад.

Дар фарҷом сардори Сарраёсати Вазорати молияи Ҷумҳурии Тоҷикистон дар вилояти Хатлон таъкид намуд, ки дар ҳама сохторҳои соҳа вобаста ба ҳолатҳои пешгирӣ аз ҳодисаҳои номатлуби коррупсионӣ тадбирҳои мушаххас андешида, бо шахсони мутасаддии мақомот баҳри иҷрои бандҳои Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030 ҳамеша кор баранд.

АКС: Сарраёсати Вазорати молияи Ҷумҳурии Тоҷикистон дар вилояти Хатлон

Март 14, 2024 19:22

Хабарҳои дигари ин бахш

Рӯзҳои охири моҳи апрел дар Тоҷикистон баландшавии ҳарорати ҳаво дар назар аст
Намояндагони Тоҷикистон дар Форуми ҳизбҳои сиёсии давлатҳои аъзои Созмони ҳамкории Шанхай иштирок доранд
Имрӯз дар водиҳои Тоҷикистон ҳаво 27 дараҷа гарм мешавад
Ҳамкории Тоҷикистон ва Туркия дар самти рушди инфрасохтори соҳаи кор бо ҷавонон ва варзиш тақвият меёбад
«ТОЗАГИИ СОҲИЛ». Дар соҳили дарёи Сир ҳашари тозагӣ гузаронида шуд
Замин хонаи умумии мо буда, муназзамии табиати сайёраро бояд нигоҳ дошт
Дар қаламрави Тоҷикистон заминларза ба амал омад
«Интернет барои хона» боз дар се маҳаллаи дигари Душанбе пайдо шуд
Имрӯз дар Тоҷикистон ҳавои тағйирёбанда пешгӯӣ мешавад
Дар вилояти Суғд Фестивал-озмуни ҷумҳуриявии «Сайри гули лола» ҷамъбаст гардид
Дар шаҳри Бӯстон доир ба тарбияи ватандӯстии ҷавонон ҳамоиш доир гардид
Попи Рим Франсиск дар 88-солагӣ даргузашт