Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
ДУШАНБЕ, 20.03.2024. АМИТ «Ховар»/. Тавре қаблан иттилоъ додем, имрӯз дар Китобхонаи миллии Тоҷикистон дар ҳошияи Фестивали байналмилалии «Наврӯз-мероси фарҳангию ҷаҳонгардӣ» бо иштироки намояндаи Ҳукумати Ҷумҳурии Тоҷикистон, роҳбарони вазорату идораҳо, намояндагони корпусҳои дипломатӣ, созмону ташкилоти муқимии шаҳри Душанбе, муҳаққиқону коршиносон, субъектҳои хизматрасони сайёҳӣ ва воситаҳои ахбори омма конфронси илмию амалӣ баргузор гардид, иттилоъ медиҳад АМИТ «Ховар».
Муовини Сарвазири Ҷумҳурии Тоҷикистон Дилрабо Мансурӣ изҳор дошт, ки бо ибтикори Президенти Ҷумҳурии Тоҷикистон муҳтарам Эмомалӣ Раҳмон Наврӯзи бостонӣ аз тарафи Созмони Милали Муттаҳид ҷашни байналмилалӣ эълон шуда, мақоми ҷаҳонӣ гирифт ва арзишҳои миллии моро ба ҷаҳониён муаррифӣ менамояд.
Ҷашни Наврӯз аз қадимтарин ва маъруфтарин иди миллати тоҷик ба шумор рафта, дар Ҷумҳурии Тоҷикистон ҳамасола бо шукуҳу шаҳомати хосса истиқбол гирифта мешавад ва барои муаррифии таъриху фарҳанги мо заминаҳои мусоид мегузорад.
Таъкид шуд, ки бо шарофати соҳибистиқлолии миллиамон Наврӯзи Тоҷикистон шукуҳу шаҳомати тоза касб кардаву рангину ҷаззобтар гаштааст.
Бояд таъкид намуд, ки имрӯз таҷлили Наврӯз аз ғарби сарзамини Чин оғоз шуда, то Осиёи Марказӣ, нимқораи Ҳинд, Қафқозу Русия, Аврупои Шарқӣ, Туркия, давлатҳои Араб ва Африқои Шимолӣ доман густурда, ба ҷузъи тамаддуни башарӣ табдил ёфтааст.
Дар идома як зумра намояндагони созмон ва ташкилоти бонуфузи байналмилӣ ва рӯзноманигорони хориҷӣ оид ба ҷашни Наврӯз ва саҳми он дар пайвандсозии халқу миллатҳо ибрози назар намуданд.
Қисмати дуюми Фестивали байналмилалии «Наврӯз-мероси фарҳангию ҷаҳонгардӣ» дар «Боғи Ирам» бо баргузории чорабинии рангини фарҳангӣ, намоиши ҳунарҳои мардумӣ, таомҳои миллӣ, хусусан хӯрокҳои наврӯзӣ ва бозиҳои гуногун идома ёфт.
Дар идомаи намоиш баҳри болидахотирии иштирокчиён барномаи фарҳангӣ пешкаш гардид.
АКС: АМИТ «Ховар»
Пажуҳишгоҳи амрикоии «Gallup» Тоҷикистонро аз лиҳози амнияту субот дар ҷойи сеюм қарор дод
ЗАХИРА БАРОИ ЗИМИСТОН. Дар сардхонаҳои махсуси шаҳри Душанбе 18 238,3 тонна маҳсулоти хӯрокворӣ захира гардидааст
Дар Эрон Форуми сайёҳии Тоҷикистон ва Эрон баргузор гардид
Донишгоҳи байналмилалии сайёҳӣ ва соҳибкории Тоҷикистон ва Донишгоҳи давлатии технологии Беларус ҳамкориро густариш медиҳанд
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Намояндагони Донишгоҳи байналмилалии сайёҳӣ ва соҳибкории Тоҷикистон дар Пекин дар ҳамоиш доир ба масоили «Иқтисоди сабз» иштирок намуданд
Ҳайати Донишгоҳи байналмилалии сайёҳӣ ва соҳибкорӣ дар конфронси байналмилалӣ дар Чин иштирок намуд
Таҷлили Рӯзи Парчами давлатии Ҷумҳурии Тоҷикистон дар шаҳри Душанбе
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Ғолибони озмунҳои шаҳрии «Беҳтарин донандаи Конститутсия» ва «Омилҳои коррупсиониро маҳкум месозем» қадрдонӣ шуданд
