ДАРАХТ БИНШОН! Роҳбарон ва намояндагони корпуси дипломатии муқими Тоҷикистон дар маъракаи ниҳолшинонӣ иштирок намуданд
ДУШАНБЕ, 12.03.2024 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷиддин Муҳриддин дар Боғи фарҳангӣ-фароғатии ба номи Садриддин Айнии пойтахт ҳамроҳ бо роҳбарон ва намояндагони корпуси дипломатии муқими Тоҷикистон дар маъракаи ниҳолшинонӣ иштирок намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
«Тибқи анъанаҳои қадимии мардумии тоҷик дар баробари бунёди хона ва тарбияи фарзандон шинонидани дарахт яке аз аъмоли шарифтарин ба шумор меравад ва бо фарорасии баҳор чорабиниҳои зиёде бахшида ба сабзазоркунии гӯшаҳои гуногуни мамлакат ва дигар корҳои созанда гузаронида мешаванд», — иброз намуд Вазири корҳои хориҷӣ Сироҷиддин Муҳриддин.
Ҳамзамон вазир дар бораи барномаи ҳукуматӣ оид ба кабудизоркунии мамлакат то соли 2040, ки дар асоси дастурҳои Паёми солонаи Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ қабул гардидааст, ёдовар шуда, таъкид намуд, ки Тоҷикистон яке аз ташаббускорони фаъол дар ҳалли масъалаҳои муҳим дар соҳаи об, экология ва тағйирёбии иқлим мебошад. Ин гуна чорабиниҳо таҷассуми воқеии амалҳо дар ҳалли мушкилоти ҷаҳонӣ мебошанд.
Дар доираи маъракаи ниҳолшинонӣ инчунин маросими гулгузорӣ ба пояи муҷассамаи Қаҳрамони Ҷумҳурии Тоҷикистон Садриддин Айнӣ баргузор гардид.
АКС: Вазорати корҳои хориҷии Ҷумҳурии Тоҷикистон
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе машваратҳои сиёсии вазоратҳои корҳои хориҷии Тоҷикистону Чин баргузор гардид
Ҳамкорӣ байни Тоҷикистон ва Кувайт дар соҳаҳои гуногун баррасӣ гардид
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
Ҳамкории Тоҷикистон ва Австрия дар доираи созмонҳои байналмилалӣ баррасӣ шуд
