ФУТБОЛ. Дастаи мунтахаби наврасони Тоҷикистон (U-17) дар Туркия нахустин рақобати санҷишӣ анҷом дод
ДУШАНБЕ, 19.03.2024 /АМИТ «Ховар»/. Дастаи мунтахаби наврасони Тоҷикистон (U-17) оид ба футбол таҳти роҳбарии сармураббии нав Марко Раҷини дар доираи ҷамъомади таълимиву тамринӣ дар Анталия нахустин бозии санҷишӣ анҷом дод. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Аввалин ҳарифи дастаи Тоҷикистон дар бозии дӯстона бошгоҳи «Родина-М» (Москва) буд, ки дар лигаи дуюми Русия баромад менамояд. Бозӣ ба фоидаи дастаи «Родина»- 1:0 анҷом ёфт.
Дар ҷамъомади таълимиву тамринӣ дар Туркия дастаи мунтахаби наврасони Тоҷикистон (U-17) боз се бозии санҷишӣ анҷом медиҳад. 20 март наврасони мо бо дастаи наврасони «Аланяспор» ва 23 ва 25 март бо дастаи мунтахаби наврасони Русия рақобатҳои санҷишӣ баргузор менамоянд.
Бояд гуфт, ки барои дастаи мунтахаби наврасони Тоҷикистон ҷамъомади таълимӣ дар Анталия марҳилаи омодагӣ ба даври интихобии Ҷоми Осиё-2025 мебошад, ки аз 19 то 27 октябри соли 2024 баргузор мешавад. Рақибони дастаи мо дар даври интихобӣ дертар маълум мешаванд.
АКС: Федератсияи футболи Тоҷикистон
Дар Душанбе дуюмин Чемпионати ҷаҳон оид ба гӯштингирӣ баргузор мешавад
Дар Душанбе Мусобиқаи ҷумҳуриявӣ оид ба ҷиу-ҷитсу ва грэплинг байни ҷавонон ва наврасон баргузор гардид
Дар Москва бахшида ба Рӯзи Ваҳдати миллӣ Мусобиқа оид ба футболи хурд таҳти унвони «Ҳамбастагӣ-2026» баргузор шуд
Дар ноҳияи Шаҳринав Маркази рушди бокс ва майдони варзишӣ ба истифода дода шуд
Дар деҳаи Себистони ноҳияи Данғара майдончаи варзишӣ ба истифода дода шуд
Дастаи мунтахаби Тоҷикистон оид ба футбол дар раддабандии нави ФИФА мақоми 101-умро соҳиб гардид
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
