Гела Шекиладзе: «Моро бо дастаи Арабистони Саудӣ бозии душвор интизор аст»
ДУШАНБЕ, 21.03.2024 /АМИТ «Ховар»/. Имрӯз, 21 март бозии интихобии Ҷоми ҷаҳон-2026 байни дастаҳои мунтахаби Арабистони Саудӣ ва Тоҷикистон дар варзишгоҳи Донишгоҳи Шоҳ Сауд баргузор шуда, соати 23:59 ба вақти Душанбе оғоз мешавад.
Дар остонаи бозӣ нишасти матбуотӣ бо иштироки сармураббиён ва бозигарони дастаҳои мунтахаби Тоҷикистон ва Арабистони Саудӣ баргузор гардид, хабар медиҳад АМИТ «Ховар» бо истинод ба Федератсияи футболи Тоҷикистон.
Сармураббии дастаи мунтахаби Тоҷикистон оид ба футбол Гела Шекиладзе интизорияшро аз бозии сеюми даври дуюми марҳилаи интихобии Ҷоми ҷаҳон-2026 ба муқобили тими миллии Арабистони Саудӣ чунин баён намуд:
«Рақобат бо тими миллии Арабистони Саудӣ аввалин бозии ман ба ҳайси сармураббии дастаи миллии Тоҷикистон аст. Мехоҳам ба Петр Сегрт, ки ду соли охир дар тими миллии Тоҷикистон кори бузурге анҷом дод ва мо якҷоя дар Ҷоми Осиё-2023 ба натиҷаи таърихӣ ноил гардидем, ташаккур гӯям. Аммо Ҷоми Осиё аллакай пушти сар шуд, акнун мо бояд диққатамонро ба бозиҳои боқимондаи интихобии Ҷоми ҷаҳон-2026 равона намоем. Пеш аз вохӯрӣ бо Арабистони Саудӣ даҳ рӯз омодагӣ дидем. Дар Қатар ҷамъомади таълимии пурсамар доштем. Ҳама бачаҳо аллакай ба даста пайвастанд. Арабистони Саудӣ тими пурқувват аст. Мо бозиҳои рақибро ҳам дар марҳилаи интихобии Ҷоми ҷаҳон-2026 ва ҳам дар Ҷоми Осиё-2023 тамошо кардем. Тими миллии Арабистони Саудӣ бозигарони ҳирфаии зиёд дорад ва моро бозии душвор интизор аст. Мо омодаем. Умедворем, ки дар ин бозӣ ба натиҷаи хуб ноил мегардем».
АКС: Федератсияи футболи Тоҷикистон
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
