Хатмкунандагони мактабҳои пойтахт бо ҷараёни таълим дар Донишгоҳи байналмилалии забонҳои хориҷии Тоҷикистон шинос шуданд

Март 1, 2024 12:27

ДУШАНБЕ, 01.03.2024. /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода Рӯзи дарҳои кушод баргузор гардид, ки дар он аз 26 муассисаи таҳсилоти миёнаи умумии шаҳри Душанбе бо мақсади шиносоӣ бо ихтисосҳои донишгоҳ беш аз ҳазор довталаб иштирок намуданд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.

Нархномаи шартномаи таҳсил, табодули донишҷӯён бо макотиби олии хориҷӣ, таҳсил дар гурӯҳҳои буҷавӣ, омӯзиши иловагии забонҳои хориҷӣ, фаъолияти меҳнатӣ дар замони донишҷӯӣ, маблағи стипендия ва ғайра аз суолҳои меҳварии довталабон маҳсуб мешуданд.

Зимни суҳбат иброз гардид, ки дар айни замон дар Донишгоҳи байналмилалии забонҳои хориҷии Тоҷикистон 40 ихтисос дар зинаи бакалавр амал менамояд.

Ҳамзамон гуфта шуд, ки дар ин донишгоҳ усулҳои муассир ва воситаҳои натиҷабахши омӯзиши забонҳои хориҷӣ амал менамоянд, ки дар муддати кӯтоҳ ҳар ҷавон ба осонӣ метавонад забон омӯзад. Дар ин кор синфхонаҳои лингафонию мултимедӣ, омӯзгорони соҳибзабон ва муҳити забонӣ мусоидат менамоянд.

Ба хатмкунандагон расонида шуд, ки дар Донишгоҳи байналмилалии забонҳои хориҷии Тоҷикистон дар радифи ҷойҳои шартномавӣ теъдоди зиёди ҷойҳои буҷавӣ низ мавҷуд мебошанд. Бо вуҷуди мақоми хеле баланд доштану донишгоҳи байналмилалӣ будан нархномаи солонаи таҳсил дар ин ҷо нисбат ба дигар муассисаҳои олӣ пасттар аст.

Ҳамзамон таъкид гардид, ки дар донишгоҳ дастаи ҳунарӣ бо номи «Субҳи ҷавонии мо» амал мекунад, ки аз ҳисоби донишҷӯёни истеъдодманду соҳибҳунар созмон ёфтааст. Ҳайати ин даста на танҳо дар чорабиниҳои донишгоҳӣ, балки дар ҳамоишҳои фарҳангии шаҳрӣ ва ҷумҳуриявӣ низ фаъолона иштирок менамояд.

Ҳамзамон довталабон оид ба дастрасӣ ба китобхонаҳои электронию анъанавӣ, марказҳои забономӯзӣ, даврҳои тайёрӣ, вазъи зиндагӣ дар хобгоҳ ва дигар ҷанбаҳои фаъолияти донишгоҳ пурсон шуданд.

АКС: Сарраёсати маорифи шаҳри Душанбе

Март 1, 2024 12:27

Хабарҳои дигари ин бахш

ҲАФТАИ ИЛМ. Дар Донишгоҳи байналмилалии забонҳои хориҷии Тоҷикистон конференсияи илмӣ-амалӣ оғоз гардид
Хонандагони тоҷик дар озмуни байналмилалӣ соҳиби 4 медали тилло, 3 нуқра ва 4 биринҷӣ гардиданд
Илму маориф дар пешрафти иқтисодию иҷтимоии давлати ҳуқуқбунёд ҷойгоҳи хосса дорад
Донишҷӯёни тоҷик дар олимпиадаи информатика байни 70 муассисаи олии ҷаҳон сазовори ҷойҳои намоён гардиданд
Ҳамкории Донишкадаи кӯҳию металлургии Тоҷикистон бо муассисаҳои олии Узбекистон густариш меёбад
Дар Донишгоҳи давлатии Кӯлоб даври донишгоҳии Озмуни ҷумҳуриявии «Илм-фурӯғи маърифат» баргузор гардид
Дар Донишгоҳи давлатии Бохтар конференсияи илмӣ — назариявӣ доир гардид
ИЛМ-АСОСИ РУШДИ ИННОВАТСИОНӢ. Таҳти ин унвон дар Душанбе конференсияи байналмилалӣ баргузор шуд
Дар Тоҷикистон Фестивал- намоишгоҳи якуми байналмилалии муассисаҳои таҳсилоти олии касбии давлатҳои хориҷӣ баргузор мегардад
Доир ба нақш ва ҷойгоҳи муҳаққиқони ватанӣ дар рушди илми ҳуқуқшиносӣ конференсияи ҷумҳуриявӣ баргузор шуд
Масъалаи эътирофи баробарарзиши дипломҳои муассисаҳои таҳсилоти олӣ ва дараҷаву унвонҳои илмӣ байни Тоҷикистон ва Чин баррасӣ шуд
Дар ноҳияи Ҷалолиддини Балхӣ бинои иловагии муассисаи таълимӣ барои 288 хонанда ифтитоҳ ёфт