Китоби маҷмуи суханрониҳои Президенти Тоҷикистон оид ба ҳадафҳои рушди устувор дар соҳаи обу иқлим ба ҳизбиён тақдим гардид
ДУШАНБЕ, 20.03.2024 /АМИТ «Ховар»/. Бахшида ба Рӯзи байналмилалии ҳифзи пиряхҳо (21 март) аз ҷониби Кумитаи иҷроияи Ҳизби Халқии Демократии Тоҷикистон дар шаҳри Душанбе баҳри дастрас намудани китоби «Маҷмуи суханрониҳои Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон оид ба Ҳадафҳои Рушди Устувор дар соҳаи обу иқлим дар даврони соҳибистиқлолии Ҷумҳурии Тоҷикистон» ба аъзои фаъоли ҳизб дар кумитаву ташкилоти ибтидоӣ, сокинону меҳмонони шаҳри Душанбе, ғолибони озмунҳои шаҳриву ҷумҳуривӣ ва ҷавонону донишҷӯёни фаъол иқдом гирифта шуд. Дар ин хусус АМИТ «Ховар» бо истинод ба Кумитаи иҷроияи Ҳизби Халқии Демократии Тоҷикистон дар шаҳри Душанбе хабар медиҳад.
Бояд гуфт, ки аз тарафи Кумитаи иҷроияи Ҳизби Халқии Демократии Тоҷикистон дар шаҳри Душанбе маҷмуи суханрониҳои Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон оид ба Ҳадафҳои Рушди Устувор дар соҳаи обу иқлим дар даврони соҳибистиқлолии Ҷумҳурии Тоҷикистон ҷамъоварӣ шуда, дар шакли китоб таҳия гардид.
Гуфта шуд, ки бо ташаббуси Тоҷикистон Маҷмаи Умумии Созмони Милали Муттаҳид соли 2025-ро Соли байналмилалии ҳифзи пиряхҳо ва 21 мартро Рӯзи байналмилалии ҳифзи пиряхҳо эълон намуд. Шаҳри Душанбе соли 2025 мизбони Конфронси байналмилалии сатҳи баланд оид ба масъалаҳои ҳифзи пиряхҳо мегардад.
Ин иқдом агар аз як чиҳат ғамхорӣ нисбат ба тамоми мардуми сайёра бошад, аз ҷониби дигар барои муаррифӣ намудани Тоҷикистон ҳамчун давлати пешоҳанги ҷаҳон дар масоили марбут ба об ва тағйирёбии иқлим нақши муассиру мондагор ва пурифтихор дорад.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
Аз ноҳияи Темурмалик ёдгориҳои нодири мансуб ба асри биринҷ ва давраи Кушониён бозёфт гардиданд
Китоби «Дар ҳавои Мавлоно»-и Раҳмоналӣ Мирализода рӯнамоӣ гардид
НИШАСТИ МАТБУОТӢ. Осорхонаи таърихии Донишкадаи давлатии фарҳанг ва санъати Тоҷикистон таъсис дода шуд
Дар Душанбе Рӯзи фарҳанги ноҳияи Дарвоз баргузор гардид
Рӯзи фарҳанги ноҳияи Балҷувон шукуҳманд таҷлил карда шуд
Дар Душанбе Рӯзи фарҳанги ноҳияи Рашт баргузор гардид
Имрӯз дар боғҳои шаҳри Душанбе рӯзҳои фарҳанги ноҳияҳои Рашт, Балҷувон ва Дарвоз баргузор мегарданд
Рӯзи фарҳанги ноҳияи Ховалинг бо шукуҳу шаҳомати хос баргузор шуд
Дар пойтахти мамлакат Рӯзи фарҳанги ноҳияҳои Лахшу Сангвор баргузор гардид
Дар пойтахти Тоҷикистон Рӯзи фарҳанги шаҳри Бохтар доир шуд
Имрӯз дар боғҳои шаҳри Душанбе рӯзҳои фарҳанги шаҳри Бохтар, ноҳияҳои Ховалинг, Лахш ва Сангвор баргузор мегарданд
Доир ба Даҳсолаи байналмилалӣ оид ба таҳкими сулҳ барои наслҳои оянда дар Ҳисор ҳамоиш баргузор шуд
