Корхонаҳои саноатии ноҳияи Восеъ ба маблағи қариб 18 миллион сомонӣ маҳсулоти саноатӣ истеҳсол намудаанд
ВОСЕЪ, 31.03.2024 /АМИТ «Ховар»/. Дар ноҳияи Восеъ корхонаҳои саноатӣ сол аз сол зиёд ва истеҳсоли маҳсулоти саноатӣ бештар мегардад. Бо дастгирии соҳибкорон имсол 7 корхона ва коргоҳи нави саноатӣ ба истифода дода шуд, ки дар онҳо беш аз 50 сокини ноҳия бо ҷойи кор таъмин гардид. Дар ду моҳи соли 2024 ҳаҷми маҳсулоти саноатӣ ба 17 миллиону 900 ҳазор сомонӣ расонида шуд, ки 121 фоизи нақшаро ташкил медиҳад.
Тавре муовини раиси ноҳия Сабур Султонзода ба мухбири минтақавии АМИТ «Ховар» Сулаймон Холзода иттилоъ дод, «дар назди Ҷамъияти саҳомии Хоҷамуъмини ноҳияи Восеъ, ки яке аз калонтарин корхонаи саноатии хӯрокворӣ ба ҳисоб меравад, ҳоло дар як рӯз беш аз 10 тонна намак коркард шуда, аз он ду намуди намак истеҳсол мешавад. Бо ворид шудани таҷҳизоти замонавӣ дар корхона истеҳсоли маҳсулот зиёд шуда, ҷойҳои нави кор бештар гардид. Инчунин бо мақсади таъсиси ҷойи кор дар ин корхона бо ҷалби мутахассисони соҳа коргоҳи нави истеҳсоли хокаи ҷомашӯӣ ба истифода дода шуд, ки дар айни замон зиёда аз 40 нафар занону ҷавонон дар он кор мекунанд.
Маҳсулоти истеҳсолгардида ба бозорҳо ва дӯконҳои маркази савдои шаҳру ноҳияҳо пешкаш мегардад. Дар ноҳия бо ҷалби соҳибкорон барои ободӣ ва истеҳсоли маҳсулоти саноатӣ корхонаҳои саноатии хурд ба истифода дода шудаанд, ки дар онҳо шахсони бекор ба кор ҷалб гардидаанд.
Дар ноҳияи Восеъ бо ҷалби соҳибкорон 42 корхонаи саноатӣ фаъолият дошта, роҳбарияти ноҳия тасмим гирифтааст, ки дар оянда шумораи корхонаҳои саноатиро зиёд намояд.
АКС: АМИТ «Ховар»
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Вилоятҳои Суғди Тоҷикистон ва Мински Беларус ҳамкории иқтисодию тиҷоратиро густариш медиҳанд
Дар АМИТ «Ховар» доир ба масъалаи муқовимат ба коррупсия вохӯрӣ баргузор гардид
Дар Тоҷикистон беш аз ҳазор гармхонаи доимамалкунанда фаъолият менамоянд
Дар ноҳияи Айнӣ майдони кишти картошка зиёд карда мешавад
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
Дар Тоҷикистон то соли 2040 беш аз 2 миллиард дарахт шинонида мешавад
Президенти Ҷумҳурии Тоҷикистон Эмомалӣ Раҳмон дар шаҳри Норак 8 иншоти таъйиноти гуногунро ба таври фосилавӣ ба истифода доданд
