Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид
ДУШАНБЕ, 23.03.2024 /АМИТ «Ховар»/. Вазири нақлиёти Тоҷикистон Азим Иброҳим дар Душанбе бо роҳбарону мутахассисони якчанд ширкати сохтмонии Ҷумҳурии Исломии Эрон, аз ҷумла «Фароб» ва «Сангоб», ки ба тармиму навсозии нақби автомобилгарди «Истиқлол машғул мебошанд, мулоқот намуд, хабар медиҳад АМИТ «Ховар» бо истинод ба Вазорати нақлиёти Тоҷикистон.
Ҳадаф аз мулоқот гузаронидани мушоҳидаҳои техникӣ, таҳлили ҷараёни имрӯзаи сохтмон ва татбиқи шартномаи марҳилаи дуюми лоиҳаи сохтмони нақби автомобилгарди «Истиқлол» мебошад, ки ин санад моҳи январи соли 2021 байни Тоҷикистон ва Эрон имзо шудааст.
Дар доираи навсозӣ, аз ҷумла насби низоми ҳовокашӣ, рӯшноӣ, огоҳии бармаҳал ва бехатарии сӯхтор амалӣ мегардад. Дар мулоқот ҷонибҳо доир ба ҳарчи зудтар ва бо сифати баланд анҷом додани корҳои тармиму навсозӣ дар ин иншоот ба мувофиқа расиданд. Қарор дода шуд, ки гурӯҳи корӣ фаъолияташро дар ин бобат вусъат мебахшад.
Нақби «Истиқлол» дар километри 80-уми самти шимоли Душанбе, дар роҳ ба сӯи Хуҷанд воқеъ аст. Дарозии нақб 5,2 километрро ташкил медиҳад. Нақб минтақаҳои шимолӣ ва ҷанубии Тоҷикистонро ба ҳам мепайвандад. Сохтмони он моҳи сентябри соли 2003 аз ҷониби ширкати эронии «Собир» оғоз шуда буд.
АКС: Вазорати нақлиёти Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
