ОГОҲӢ. Дар Тоҷикистон то 4 март хатари лағзиши тарма боқӣ мемонад
ДУШАНБЕ, 02.03.2024 /АМИТ «Ховар»/. Ба маълумоти Агентии обуҳавошиносии Тоҷикистон, то 4 март дар қаламрави ноҳияҳои кӯҳии тобеи ҷумҳурӣ, вилояти Суғд ва навоҳии ғарбии Вилояти Мухтори Кӯҳистони Бадахшон хатари лағзиши тарма ва резиши санг боқӣ мемонад. Дар робита ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони мамлакат мерасонад, ки дар ин гуна ҳавои номусоид эҳтиёткор бошанд. Дар ин хусус АМИТ «Ховар» бо истинод ба ин кумита хабар медиҳад.
Кумитаи ҳолатҳои фавқулода ва мудофиаи гражданӣ хотиррасон менамояд, ки бар асари бориши рӯзҳои оянда хатари барфтӯда дар роҳҳо ва яхбандии роҳҳои мошингард дар навоҳии Вилояти Мухтори Кӯҳистони Бадахшон, қаторкӯҳҳои водии Ҳисор, роҳҳои мошингарди Душанбе – Хуҷанд — Чаноқ, Душанбе — Рашт -Лахш, Душанбе-Сангвор, Кӯлоб – Дарвоз, Ванҷ-Хоруғ, Хоруғ-Ишкошим, Хоруғ-Мурғоб вуҷуд дорад.
Кумита аз сокинон хоҳиш менамояд, ки дар чунин рӯзҳо аз сафарҳои бе зарурат бо роҳҳои кӯҳӣ худдорӣ намоянд. Рафтан ба чарогоҳҳои кӯҳиву шикор ва моҳидорӣ низ маслиҳат нест.
Кумита аз ронандагон хоҳиш менамояд, ки пеш аз сафар вазъи роҳҳоро омӯзанд, мошинҳояшон пешакӣ барои сафар омода созанд, ҳамеша бо худ асбобу таҷҳизоти зидди яхбандӣ дошта бошанд. Риояи фосилаи байни мошинҳо низ хеле муҳим аст.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз меҳмонон ва сокинони мамлакат эҳтиромона хоҳиш менамояд, ки дар чунин рӯзҳо эҳтиёткор бошанд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
