ОМӮЗИШИ НОЗУКИҲОИ РОБОТОТЕХНИКА. Дар Донишгоҳи давлатии ҳуқуқ, бизнес ва сиёсати Тоҷикистон дарси маҳорат гузаронида шуд
ДУШАНБЕ, 30.03.2024 /АМИТ «Ховар»/. Давоми се рӯз аз ҷониби Парки технологии Донишгоҳи давлатии ҳуқуқ, бизнес ва сиёсати Тоҷикистон таҳти унвони «Шиносоӣ бо робот ва асосҳои робототехника» бо ҷалби коршиноси олмонӣ дар соҳаи робототехника Денис Фритсше дарси маҳорат (мастер-класс) доир шуд. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи ин донишгоҳ хабар медиҳад.
Дарси маҳорат дар Маркази таҳсилоти рақамии донишгоҳ баргузор гардида, ба иштирокчиён таҷҳизоти роботҳо омӯзонида шуд. Иштирокчиён бо ҷаҳони техникӣ шинос шуда, дар бораи ҷузъҳои асосии роботҳо маълумоти зарурӣ гирифтанд. Ҳамзамон иштирокчиён тарзи идоракунии роботҳоро тавассути ҳалли нармафзорҳои гуногун омӯхтанд. Марҳилаи ниҳоии машғулият махсусан ҷолиб буд, зеро иштирокчиён имкон пайдо намуданд, ки донишашонро тавассути кор бо роботҳои виртуалӣ дар амал татбиқ намоянд.
Ба дарси маҳорат беш аз 25 иштирокчӣ барои гирифтани маълумоти муфассал дар бораи робототехника ҷалб шуданд.
«Мо ифтихор дорем, ки тавонистем чунин имконияти фарохи таълимӣ фароҳам орем ва ба мутахассисони ояндаи технология илҳом бахшем»,- иброз дошт директори Парки технологӣ Абдураҳмон Маҳмудов.
Дар анҷоми дарс ба ҳамаи иштирокчиён бо имзои Денис Фритсше сертификат супурда шуд, ки дониш ва маҳорати онҳоро дар соҳаи робототехника тасдиқ менамояд.
АКС: Шуъбаи таҳлил ва робита бо ҷомеаи Донишгоҳи давлатии ҳуқуқ, бизнес ва сиёсати Тоҷикистон
Дар Донишгоҳи давлатии молия ва иқтисод дар мавзуи хизмат дар сафи Артиши миллӣ ҳамоиши ҷавонон доир шуд
Озмуни ҷумҳуриявии «Малакаи касбӣ» ҷамъбаст гардид
Вобаста ба мавзуи ҳифзи сирри давлатӣ дар воситаҳои ахбори омма машварати омӯзишӣ доир шуд
Намояндаи Тоҷикистон дар Бозиҳои Делфи соҳиби ҷойи сеюм ва медали биринҷӣ гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Брюссел дастовардҳои Тоҷикистон дар самти ҳуқуқи инсон муаррифӣ шуданд
Дар Душанбе маросими ҷоизасупорӣ ба аъзои беҳтарини Лигаи ҷавонони Тоҷикистон оид ба футбол доир гардид
Ҳунармандони Беларус ба сокинони шаҳри Ҳисор барномаи фарҳангӣ пешниҳод намуданд
Дар Донишгоҳи давлатии молия ва иқтисоди Тоҷикистон масоили мубориза бо экстремизм ва терроризм баррасӣ шуд
Барои хизматчиёни давлатӣ машғулияти такмили ихтисос гузаронида шуд
Имрӯз дар шаҳри Душанбе ҳаво то 20 дараҷа гарм мешавад
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
