«ШАҲРИ МАН – ХОНАИ МАН». Дар ноҳияи Шоҳмансури шаҳри Душанбе 15 000 бех гули ороишии мавсимӣ шинонида шуд
ДУШАНБЕ, 18.03.2024 /АМИТ «Ховар»/. Бо ибтикори Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур (КИ ҲХДТ) дар кумитаю ташкилоти ибтидоии ҳизбии ноҳия, инчунин ҳудуди шаҳраку маҳаллаҳои ноҳияи Шоҳмансури пойтахт ҳашар баргузор шуд. Ҳашар дар Кумитаи иҷроияи ибтидоии «Роҳи умед»-и Ҳизби Халқии Демократии Тоҷикистон дар Корхонаи воҳиди давлатии «Роҳи оҳани Тоҷикистон» бо ҷалби васеи аъзои ҳизб ташкил шуд.Дар ин хусус АМИТ «Ховар» бо истинод ба КИ ҲХДТ дар ноҳияи Шоҳмансур хабар медиҳад.
Ин иқдом баҳри иҷрои дастуру супоришҳои Раиси Ҳизби Халқии Демократии Тоҷикистон муҳтарам Эмомалӣ Раҳмон дар мавриди густариши корҳои ободонӣ, тозагиву озодагӣ, ниҳолшинониву сабзкорӣ ва нигоҳдории майдончаҳои варзишии шаҳри Душанбе, ки бо дастури Раиси шаҳри Душанбе муҳтарам Рустами Эмомалӣ тасдиқ шудаанд, амалӣ гардид.
Зимни баргузории ҳашар 15 000 бех гули ороишии мавсимӣ шинонида шуд. Ҳамзамон ҳашарчиён атрофи дарахтонро нарм намуда, муҳити атрофро аз ҳар гуна партов ва хазонбаргҳо тозаву озода намуданд.
Мақсад аз ин гуна иқдоми ҳизбиёни пойтахт пайравӣ ба ҳидоятҳои Раиси Ҳизби Халқии Демократии Тоҷикистон муҳтарам Эмомалӣ Раҳмон, муроҷиатномаи Раиси шаҳри Душанбе муҳтарам Рустами Эмомалӣ баҳри ба «Шаҳри гулрез» табдил додани пойтахт ва истифодаи самараноки ҳар рӯзи офтобии баҳор барои тозаву озода намудани манзилу кошона, кӯчаву маҳаллаҳои зист ва ободу зебо гардонидани шаҳри Душанбе мебошад.
Бояд гуфт, ки сокини пойтахт будан на танҳо мояи ифтихор, балки масъулияти бузург низ мебошад. Аз ин рӯ мо, сокинони пойтахт бояд фарҳанги шаҳрнишиниро риоя намуда, бо тозаву хуррамгардонӣ ва ниҳолшинониву муносибати ғамхорона нисбат ба майдончаҳои варзишӣ шаҳри Душанбе- пойтахти Тоҷикистонро тозаву озода нигоҳ дорем.
АКС: Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
