Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
ДУШАНБЕ, 29.03.2024 /АМИТ «Ховар»/. Аз 23 то 28 март дар шаҳри Остонаи Ҷумҳурии Қазоқистон мусобиқаи байналмилалӣ оид ба бокс байни ҷавонон ба поси хотири чемпиони олимпӣ Бахтиёр Артаев баргузор гардид. Дар ин хусус шореҳи варзиши АМИТ «Ховар» бо истинод ба Федератсияи бокси Тоҷикистон хабар медиҳад.
Ин мусобиқа аз рӯи 13 вазн байни писарон доир шуд, ки дар он 286 варзишгар аз Қазоқистон, Қирғизистон, Тоҷикистон ва Узбекистон иштирок намуданд.
Ҷумҳурии Тоҷикистонро дар ин мусобиқот 13 варзишгар намояндагӣ намуда, танҳо ба Амирбек Маҳрамов муяссар шуд, ки дар вазни 52 кг медали биринҷӣ ба даст оварад.
Ҳамчунин 24-28 марти соли 2024 дар шаҳри Бокуи Озарбойҷон мусобиқаи байналмилалии бокс – «Шоҳроҳи бузурги абрешим» баргузор шуд. Дар он 104 варзишгар аз 11 давлат, аз ҷумла 2 варзишгар аз Ҷумҳурии Тоҷикистон иштирок доштанд.
Хотиррасон мешавем, ки дар ин мусобиқа муштзани ҷавони тоҷик Бузургмеҳр Иксанов дар вазни то 57 кг ба гирифтани медали биринҷӣ сазовор гардид.
АКС аз манбаъҳои боз
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
