Ҳамкории Тоҷикистон ва Узбекистон дар самти амнияти химиявӣ, биологӣ, радиатсионӣ ва ядроӣ таҳким меёбад
ДУШАНБЕ, 22.04.2024 /АМИТ «Ховар»/. Ҳайати Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон бо ҳадафи густариши ҳамкорӣ дар бахшҳои амнияти химиявӣ, биологӣ, радиатсионӣ ва ядроӣ байни гумрукӣ ба шаҳри Тошканди Ҷумҳурии Узбекистон сафар намуданд.
Дар ин хусус ба АМИТ «Ховар» мудири шуъбаи муносибатҳои байналмилалӣ ва робита бо ҷомеаи Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон Олимҷон Азизов хабар дод.
Кормандони Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон ва Хадамоти гумрук дар бораи фаъолияти мониторҳои портали радиатсионӣ (RPM) ва системаҳои рентгенӣ дар гузаргоҳи сарҳадии Ялама дар Ҷумҳурии Узбекистон гуфтугӯи судманд анҷом доданд. Ин системаҳо барои пешгирии муомилоти ғайриқонунии маводи радиоактивӣ ва таъмини амнияти занҷири минтақавии таъминот муҳим мебошанд.
Директори Агентии амнияти химиявӣ, биологӣ, радиатсионӣ ва ядроӣ аз татбиқи воситаҳои пешрафтаи технологӣ дар ҳифзи сарҳад аз ҷониби Ҷумҳурии Узбекистон изҳори миннатдорӣ намуд.
«Мо аз истифодаи таҷҳизоти замонавии мониторҳои портали радиатсионӣ ва рентгенӣ дар Ҷумҳурии Узбекистон таассурот нек бардоштем. Метавонем аз ҳамдигар омӯзем, то тавоноиро дар мубориза бо таҳдидҳои маводи химиявӣ, биологӣ, радиатсионӣ ва ядроӣ такмил диҳем»,-изҳор дошт профессор Илҳом Мирсаидзода.
Ҳайат дар Кумитаи давлатии гумруки Ҷумҳурии Узбекистон бо роҳбарияти он мулоқот намуд. Маълумоти муфассал вобаста ба раванди рақамикунонӣ дар Кумитаи давлатии гумруки Ҷумҳурии Узбекистон, ки бо мақсади содагардонии амалиёти гумрукӣ татбиқ шудааст, пешкаши ҳайат гардид. Инчунин маълумот дар бораи истифодаи самараноки фанновариҳои рақамӣ дар расмиёти гумрукӣ, ки Ҷумҳурии Тоҷикистон умедвор аст ояндаи наздик онро амалӣ намояд, пешкаш гардид.
АКС: Шуъбаи муносибатҳои байналмилалӣ ва робита бо ҷомеаи Академияи миллии илмҳои Тоҷикистон
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
