Бар асари сардии шадид дар Муғулистон дар маҷмуъ 6,3 миллион сар чорво нобуд гардид
ДУШАНБЕ, 11.04.2024 /АМИТ «Ховар»/. Ба ҳолати рӯзи чоршанбе дар Муғулистон бар асари бориши шадиди барф дар мамлакат, ки боиси дастнорас гардидани ғизои чорво шуд, дар маҷмуъ 6,3 миллион сар чорво нобуд гардид. Тавре АМИТ «Ховар» бо истинод ба «Синхуа» иттилоъ медиҳад, дар ин хусус котиби Комиссияи давлатии ҳолатҳои фавқулода Тувшинсайхан Баярхуу дар нишасти матбуотӣ барои ВАО — и маҳаллӣ изҳор дошт.
Ба гуфтаи ӯ, дар аймакҳои Сухбаатар, Ҳэнтий, Архангай, Тув, Дорногов ва Булгани Муғулистон нишондиҳандаҳои баландтарини нобудшавии чорво сабт шудаанд.
Чорводорӣ яке аз соҳаҳои асосии иқтисодиёти Муғулистон ва инчунин манбаи даромади қариб 40 фоизи аҳолии кӯчманчии кишвар мебошад.
Тибқи маълумоти Вазорати озуқаворӣ, кишоварзӣ ва саноати сабук, то охири соли 2023 шумораи умумии чорво дар Муғулистон 9,1 фоиз коҳиш ёфта, ба 64,7 миллион сар расидааст.
АКС аз манбаъҳои боз
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
