Чор иншооти муҳими шаҳри қадимии Панҷакент барқарор карда шуд
ДУШАНБЕ, 28.04.2024 /АМИТ «Ховар»/. Бо дастгирии Ҳукумати Тоҷикистон дар ҳамкорӣ бо Барномаи Хазинаи сафирони Иёлоти Муттаҳидаи Америка дар доираи Лоиҳаи «Нигаҳдории мероси фарҳангӣ барои наслҳои оянда» чор иншооти муҳими шаҳри қадимии Панҷакент барқарор карда шуд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент
Зимни анҷоми ин лоиҳа дар майдони вурудии ёдгорӣ директори Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон, раиси шаҳри Панҷакент, сафири ИМА дар Тоҷикистон аз ҷойгоҳу аҳамияти ин ёдгорӣ ва ҳамкорӣ барои ҳифз, барқарорсозӣ ва таҳқиқи он сухан гуфтанд.
Иброз гардид, ки бо татбиқи Лоиҳаи «Нигаҳдории мероси фарҳангӣ барои наслҳои оянда» дар шаҳри қадимии Панҷакент чор иншооти муҳими он, аз ҷумла маъбади оташпарастии асрҳои 5-6, боқимондаҳои девори асри 5, толори пазироии меҳмонон бо номи рамзии «Рустамнома», девори мудофиавии Панҷакенти қадим таҷдиду барқарор шуда, дар масофаи 2,8 километр ҳудуди ёдгорӣ панҷарабандӣ карда шуд.
Таъкид карда шуд, ки «барои Сафорати Иёлоти Муттаҳидаи Америка дастгирии барқарорсозии ин шаҳри бостонии Роҳи бузурги Абрешим яке аз масирҳои пурмаъное аст, ки тариқи он мо эҳтиром ва қадрдониамонро ба таърих ва фарҳанги ғании Тоҷикистон баён менамоем».
Дар ҷамъомад ба Хазинаи сафирони Иёлоти Муттаҳидаи Америка барои нигаҳдории мероси фарҳангӣ, ташкилоти ҷамъиятии «Ҷавонони пешсаф», Пойгоҳи бостоншиносии Панҷакент – Саразми Институти таърих, бостоншиносӣ ва мардумшиносии ба номи Аҳмади Дониш, Вазорати фарҳанги Ҷумҳурии Тоҷикистон ва олимону мутахассисон, иштирокчиёни татбиқи лоиҳа изҳори сипос карда шуд.
Бояд гуфт, ки бо роҳнамоию дастгирии Президенти Ҷумҳурии Тоҷикистон муҳтарам Эмомалӣ Раҳмон соли 2023 9 ёдгории таърихии ҳудуди ҷумҳурӣ, аз ҷумла панҷ ёдгории шаҳри Панҷакент ба Феҳристи мероси башарии ЮНЕСКО ворид шуданд, ки яке аз онҳо ёдгории асрҳои 5-8-и мелодӣ- шаҳри Панҷакенти қадим аст.
АКС: Мақомоти иҷроияи ҳокимияти давлатии шаҳри Панҷакент
Раиси Кумитаи миллӣ оид ба ҳуқуқи инсони Давлати Қатар дар Осорхонаи миллӣ бо тамаддуни тоҷикон шинос гардид
Дар Тоҷикистон «Барномаи рушди китобхонаҳои деҳот барои солҳои 2027–2031» амалӣ мешавад
Дар Осорхонаи миллӣ бахшида ба Даҳсолаи байналмилалӣ оид ба таҳкими сулҳ барои наслҳои оянда ҳамоиш баргузор гардид
Дар Театри таҷрибавии тамошобини ҷавон намоишномаи «Бобоҷон Ғафуров» нахустин маротиба пешниҳод гардид
Намояндаи Тоҷикистон дар Фестивал-озмуни байналмилалии «Viva Astana» сазовори «Шоҳҷоиза» гардид
Аз 9 то 30 июн экспедитсияи муштараки бостоншиносии Тоҷикистон ва Фаронса гузаронида шуд
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
ПАЙВАНДИ ИНСОН БО ТАБИАТ ДАР «ШОҲНОМА»-И ФИРДАВСӢ. Мулоҳизаҳои Академик Фарҳод Раҳимӣ дар ин мавзуъ
Акбар Эронӣ: «Ибтикори Президенти Тоҷикистон оид ба таъсиси Ҷоизаи байналмилалии Ибни Сино иқдоми мондагор ва ояндасоз аст»
Туҳфаи Пешвои миллат — маҷмуи тӯбҳои расмии ҷомҳои ҷаҳонии FIFA ба Осорхонаи миллии Тоҷикистон тақдим гардид
БЕҲТАРИН КИТОБХОН. Таҳти ин унвон озмуни ҷумҳуриявӣ баргузор мегардад
Иштирокчиёни Форуми XI байналмилалии «Кӯдакони Иттиҳод» Қалъаи бостонии Ҳисорро тамошо намуданд
