Дар Чин баландтарин сатҳи хатар дар робита ба сунами эълон гардид

ДУШАНБЕ, 03.04.2024 /АМИТ «Ховар»/. Вазорати захираҳои табиии Чин бар асари заминларзаи шадиди дар наздикии шаҳри Ҳуаляни Тайван рухдода сатҳи хатари баландтарин — сурхи сунамиро эълон намуд. Дар ин хусус АМИТ «Ховар» бо истинод ба ТАСС, ки ба он дар Маркази вазирии огоҳсозии сунамӣ хабар додаанд, иттилоъ медиҳад.

Дар обҳои атрофи маркази заминларза метавонад сунами ба вуҷуд ояд, ки он, тавре интизор меравад, «барои минтақаҳои соҳилӣ, аз ҷумла шарқи Тайбэй ва Ҳуалян пайомадҳои фалокатбор меорад”, хабар додааст марказ.

Заминларза бо шиддати 7,2 дараҷа соати 07:58 ба вақти Пекин рух дод ва дар тамоми Тайван эҳсос шуд. Ба гуфтаи зилзилашиносони маҳаллӣ, маркази зилзила дар уқёнуси Ором, дар километри 25-уми самти ҷанубу шарқи шаҳри Ҳуалян ва манбаъ дар умқи 15,5 километр ҷойгир будааст.

АКС аз манбаъҳои боз