Дар Донишгоҳи давлатии ҳуқуқ, бизнес ва сиёсати Тоҷикистон ҳамоиши рушди робототехника доир шуд

Апрель 17, 2024 10:45

ДУШАНБЕ, 17.04.2024 /АМИТ «Ховар»/.  Дар Донишгоҳи давлатии ҳуқуқ, бизнес ва сиёсати Тоҷикистон  дар мавзуи «Рушди робототехника дар минтақа» ҳамоиш баргузор гардид. Ин чорабинӣ пас аз таҳлили амиқи бозори корхонаҳои саноатии вилояти Суғд гузаронида шуд. Дар ин хусус АМИТ «Ховар» бо истинод ба ин донишгоҳ хабар медиҳад.

 

Мақсади асосии ҳамоиш- муайян намудани мушкилоти асосии корхонаҳои саноатӣ дар соҳаи роботизатсия, автоматизатсия ва таҳияи роҳҳои ҳалли онҳо мебошад.

Кормандони Парки технологӣ мушкилоти мавҷударо баррасӣ намуда, муносибатҳои устуворро байни донишгоҳ бо бахши хусусӣ, аз ҷумла корхонаҳои саноатӣ ва марказҳои таълимию ташкилоти байналмилалӣ амалӣ намуданд.

Дар ҳамоиш коршиноси олмонӣ дар соҳаи робототехника Денис Фритше иштирок ва таҷрибаашро рӯнамоӣ намуд.

Дар байни иштирокчиён намояндагони корхонаҳои саноатии «Байзо», «Фаровон», марказҳои таълимии «Афкор», «Аркон» ва «Ҷаҳони мо» ҳузур доштанд.

Ҳамзамон намояндагони созмонҳои байналмилалӣ, аз ҷумла GIZ ва USANT, омӯзгорони донишгоҳҳо, бизнес-инкубатор, Маркази таҳсилоти иловагии вилояти Суғд ва дигар мутахассисони соҳаи робототехника ва маориф фаъолона иштирок намуданд.

Вохӯрӣ дар фазои мусоиди ҳамкорӣ доир шуда, ҳозирин оид ба масъалаҳои гуногун мубодилаи афкор намуданд.

Иштирокчиён оид ба бартараф намудани монеаҳои мавҷуда, ки ба рушди минбаъдаи робототехника дар вилоят халал мерасонанд, инчунин чӣ гуна мустаҳкам намудани робита байни донишгоҳҳо ва бахши саноат пешниҳодҳо манзур карданд.

Изҳори боварӣ карда шуд, ки саъю кӯшиши муштараки ҳамаи ҷонибҳои манфиатдор дар ин самт ба пешрафти назаррас дар соҳаи робототехника ва автоматизатсия, ба вуҷуд овардани имконоти нав барои тараққиёти минтақа ва мустаҳкам намудани иқтидори технологии он мусоидат менамояд.

АКС: Донишгоҳи давлатии ҳуқуқ, бизнес ва сиёсати Тоҷикистон 

Апрель 17, 2024 10:45

Хабарҳои дигари ин бахш

Дар Донишгоҳи технологии Тоҷикистон 127 нафар забони кореягӣ омӯхтанд
«ХОНАНДАИ БЕҲТАРИНИ АСАРҲОИ ПЕШВОИ МИЛЛАТ». Дар Донишгоҳи давлатии Кӯлоб даври аввали озмуни ҷумҳуриявӣ оғоз шуд
БИСТСОЛАИ ОМӮЗИШ ВА РУШДИ ИЛМҲОИ ДАҚИҚ. Дар Душанбе ғолибони озмунҳо ҳавасманд гардонида шуданд
«ИЛМ-ФУРӮҒИ МАЪРИФАТ». Дар даври шаҳрии озмуни ҷумҳуриявӣ дар Хоруғ 189 довталаб иштирок дорад
«МО, ҶАВОНОН НАСЛИ ХУШБАХТИ ТОҶИКИСТОНЕМ!». Дар Донишгоҳи давлатии омӯзгорӣ ҷавонони фаъолро қадрдонӣ намуданд
«НАҚШИ ҶАВОНОН ДАР ҲИМОЯИ МАНФИАТҲОИ МИЛЛӢ». Дар Донишгоҳи миллии Тоҷикистон бахшида ба Рӯзи ҷавонон ҳамоиш доир гардид
Эмомалӣ Раҳмон: «Беш аз 40 ҳазор ҷавони Тоҷикистон дар беҳтарин донишгоҳҳои давлатҳои хориҷӣ таҳсил менамоянд»
Вазири маориф ва илми Тоҷикистон дар Британияи Кабир бо донишҷӯёни тоҷике, ки дар Лондон таҳсил менамоянд, вохӯрӣ намуд
Дар Донишгоҳи технологӣ оид ба рушди соҳаи саноати бофандагӣ омӯзиш доир шуд
Дар Тоҷикистон омӯзиши забони англисӣ аз синфи сеюм оғоз мегардад
ҲЕҶ ГАНҶЕ НЕСТ АЗ ФАРҲАНГ БЕҲ
Озмуни IV ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистон оғоз ёфт