Дар шаҳри Конибодом корхонаи коркарди зардолу бунёд мешавад
ДУШАНБЕ, 27.04.2024 /АМИТ «Ховар»/. Дар шаҳри Конибодоми вилояти Суғд корхонаи коркарди зардолу бунёд мегардад. Корхонаи мазкур аз ҷониби соҳибкорони маҳаллӣ сохта шуда, дар он то 50 нафар бо ҷойи кор таъмин мешаванд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Раиси вилояти Суғд Раҷаббой Аҳмадзода бо ҷараёни корҳо дар ин корхонаи навбунёд шинос шуда, ба масъулин барои воридсозии таҷҳизоти замонавӣ, обод намудани саҳн ва атрофи корхона ва банду басти аълосифати маҳсулоти истеҳсолшаванда тавсияҳои муфид дод. Номбурда иброз дошт, ки корхонаи мазкур бо мақсади таъмини иҷрои дастуру супоришҳои Президенти мамлакат муҳтарам Эмомалӣ Раҳмон дар доираи эълони Солҳои рушди саноат (2022-2026) дар ҷумҳурӣ бунёд гардида, ба таври таҷрибавӣ маҳсулот ба ИМА ва Олмон содирот карда шуда, барои фурӯши маҳсулот бозори хуб мавҷуд аст.
Таъкид гардид, ки барои пурра омода намудани корхона бояд аз таҷрибаи корхонаҳои коркарди зардолуи шаҳри Исфара, аз ҷумла «Исфара фуд» истифода бурда шавад.
Ёдовар мешавем, ки дар Тоҷикистон 64 ҳазор гектар боғоти зардолу бунёд гардидааст, ки 50 ҳазор гектарашро боғҳои ҳосилдиҳанда ташкил медиҳанд. Шароиту иқлими минтақаҳои Тоҷикистон ба парвариши зардолу мутобиқ аст. Зардолу аҳамияти муҳими иқтисодӣ ва ғизоию табобатӣ дорад. Таркиби бойи кимиёвии меваю донаки зардолу сабаб шудааст, ки он ҳамчун ғизои парҳезӣ эътироф гардад.
АКС: Хадамоти матбуоти Раиси вилояти Суғд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
