Дар Тоҷикистон зиёда аз 8 ҳазор ихтирооти давлатҳои гуногуни ҷаҳон ҳифз мешаванд
ДУШАНБЕ, 25.04.2024 /АМИТ «Ховар»/. «Моликияти зеҳнӣ дар соҳаи илму техника ва ҳалли масъалаҳои иҷтимоию иқтисодӣ нақши муҳим дошта, унсури рушд маҳсуб мешавад. Ҳукумати Ҷумҳурии Тоҷикистон барои баланд бардоштани иқтидори илмию техникӣ тадбирҳои муассир меандешад. Инноватсия дар соҳаҳои гуногуни стратегӣ ҷорӣ карда мешавад», — иброз намуд президенти Академияи миллии илмҳои Тоҷикистон Қобилҷон Хушвахтзода имрӯз дар ифтитоҳи Форуми байналмилалии ихтироъкорон ва навоварон, ки дар Душанбе баргузор гардид, иттилоъ медиҳад хабарнигори АМИТ «Ховар» аз ин чорабинӣ.
Бино ба иттилои ӯ, Ҳукумат барои пешбурди инноватсия ва ихтироъкорӣ аз механизмҳои мухталиф истифода менамояд. Муҳим он аст, ки навовариҳо ба соҳаҳое, чун иқтисоди «сабз», рақамисозӣ, саноат ва ғайра ворид карда шаванд.
Дар доираи форум намоишгоҳ баргузор гардид. Ба меҳмонон буклетҳо ва брошюраҳо пешниҳод карда шуданд, ки дар бораи ихтирооти сабтиномшуда маълумот медиҳанд.
Мақсади асосии форум — мусоидат ба рушди ихтироъкорӣ, истифодаи ихтироот дар истеҳсолот, рушди иқтидори инсонӣ, ҷустуҷӯи механизми дастгирӣ ва ҳавасмандгардонии ихтироъкорон ва навоварон мебошад.
«Ба ташкилоти мо 8 давлати Иттиҳоди Давлатҳои Мустақил дохил ҳастанд. Мо лоиҳаҳоро бомуваффақият амалӣ намуда, бо Тоҷикистон ҳамкорӣ мекунем. Мояи хушнудӣ аст, ки конфронс дар чаҳорчӯби Рӯзи моликияти зеҳнӣ, ки 26 апрел дар тамоми ҷаҳон мегузарад, баргузор мешавад. Равишҳое, ки бояд дар ҳар давлат таҳия шаванд, баррасӣ мегарданд», — гуфт Президенти Идораи патентии Авруосиёии Ташкилоти патентии Авруосиёӣ Григорий Ивлиев.
«Имрӯз муҳим он аст, ки ихтироъкор бе таваҷҷуҳ намонад. Дар Точикистон ин масъала яке аз имконияти муҳимтарин мебошад ва барои татбиқи ихтироот шароит фароҳам оварда мешавад. Бо ин мақсад на танҳо сатҳи миллии патент, балки сатҳи байналмилалӣ низ кушода аст. Ҳоло дар Тоҷикистон беш аз 8 ҳазор ихтироъ аз кишварҳои мухталифи ҷаҳон ҳифз шудааст. Ин ихтироъҳо барои ҷаҳон муҳим буда, ба маҳсулоти тиббӣ, маҳсулоти дорусозӣ ва иртибот дахл доранд», — изҳор намуд Григорий Ивлиев.
Лайло ТОИРӢ,
Азиза ИКРОМ,
АМИТ «Ховар»
АКС: АМИТ «Ховар»
Нахустин Форум ва намоишгоҳи байналмилалии саноати хӯрокворӣ — Тоҷикистон-2026 баргузор мегардад
Дар Тоҷикистон беш аз 110 ҳазор тонна зироати ғалладонагӣ ҷамъоварӣ шудааст
Дар Минтақаи озоди иқтисодии «Суғд» корхонаи истеҳсоли дучарха ва сечархаҳои барқӣ сохта мешавад
Душанбе мизбони ҷаласаи 45-уми Шурои идоракунандагони Фонди иқлими сабз мегардад
Ҷаласаи 21-уми Гурӯҳи кории Барномаи махсуси СММ барои иқтисодиёти Осиёи Марказӣ (SPECA) оид ба савдо доир шуд
Нақшаи рушди низоми энергетикии Вилояти Мухтори Кӯҳистони Бадахшон муаррифӣ гардид
Хоҷагидорони ноҳияи Вахш аз як замин чанд ҳосил ба даст меоранд
РӮЗИ ҶАҲОНИИ БЕХАТАРИИ ОЗУҚАВОРӢ. 37 нуқтаи назорати давлатии бехатарии озуқаворӣ дар гузаргоҳҳои сарҳади давлатии Тоҷикистон фаъолият доранд
Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Бахшида ба Рӯзи кормандони мақомоти бехатарии озуқаворӣ ҳамоиш баргузор шуд
Байни Ҳукумати Тоҷикистон ва ширкатҳои «Канзи Диёр», «ТВЕА Душанбе саноати кӯҳӣ» созишномаҳои сармоягузорӣ ба имзо расид
