Дар вилояти Суғд ба маблағи зиёда аз 6 миллиард сомонӣ маҳсулоти саноатӣ истеҳсол гардид
ДУШАНБЕ, 26.04.2024 /АМИТ «Ховар»/. Дар се моҳи соли 2024 ҳаҷми истеҳсоли маҳсулоти саноатӣ дар вилояти Суғд ба 6 миллиарду 84 миллион сомонӣ расонида шуда, суръати афзоиш нисбат ба ҳамин давраи соли гузашта бо нархҳои амалкунанда 106 фоиз таъмин гардид. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Дар ин давра суръати афзоиши намудҳои асосии маҳсулот таъмин гардида, ба миқдори 91 ҳазору 202 тонна орд, 1745 тонна равғани растанӣ, 12 ҳазору 149 тонна нон ва маҳсулоти нонӣ, 3 миллиону 323 ҳазор қуттии шартӣ консерваҳои гуногун, 3 миллиону 557 ҳазор декалитр нӯшокиҳои беспирт ва 3 миллиону 348 ҳазор қуттии шартӣ консерваҳои меваю сабзавот истеҳсол карда шуда, нисбат ба ҳамин давраи соли 2023 суръати афзоиши истеҳсоли орд 122 фоиз, равғани растанӣ 103 фоиз, нон ва маҳсулоти нонӣ 140 фоиз, консерваҳо 2 баробар, нӯшокиҳои бе спирт 1,6 баробар ва консерваҳои меваю сабзавот 2 баробар таъмин гардидааст.
Дар моҳҳои январ-марти соли 2024 ба миқдори 303 ҳазор тонна семент ва 226 ҳазор тонна ангишт истеҳсол карда шудааст.
Дар вилоят ба истиқболи ҷашни 35-солагии Истиқлоли давлатии Ҷумҳурии Тоҷикистон соли 2024 ба истифода додани 140 корхонаву коргоҳи нави саноатӣ бо 2 ҳазору 800 ҷойи нави кор пешбинӣ гардидааст. Дар натиҷаи тадбирҳои андешида давоми се моҳи соли 2024 дар миқёси вилоят 39 корхонаву коргоҳи нав бо 246 ҷойи нави кор ба фаъолият шуруъ намуд. Корхонаҳои навтаъсис асосан корхонаҳои соҳаи саноати истеҳсоли масолеҳи сохтмон, хӯрокворӣ ва сабукро дар бар гирифта, ба таъмини бозори дохилӣ бо маҳсулоти истеҳсоли ватанӣ ва воридотивазкунанда мусоидат намуданд.
Дар моҳҳои январ-марти соли 2024 дар шаҳру ноҳияҳои вилоят 3 коргоҳи дӯзандагӣ бо 27 ҷойи нави кор ва 1 корхонаи истеҳсоли пойафзол бо 46 ҷойи кор таъсис дода шуд.
Дар корхонаю коргоҳҳои дӯзандагии вилоят дар ин давра ба маблағи 59 миллион сомонӣ маҳсулот истеҳсол шудааст. Ҳамзамон дар ин давра 31 ҳазору 20 адад либоси мактабӣ ба маблағи 1 миллиону 765 ҳазор сомонӣ дӯхта шудааст.
Дар вилояти Суғд 12 корхонаи пойафзолдӯзӣ фаъолият намуда, моҳҳои январ-марти имсол истеҳсоли пойафзол ба 61 ҳазор ҷуфт баробар шудааст.
АКС аз бойгонӣ
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Дар ноҳияи Восеъ иншооти гуногуни иҷтимоӣ ба истифода дода шуданд
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
