Директори Маркази байналмилалии амнияти об барои иштирок дар Конфронси сеюми оби Душанбе даъват гардид
![](https://khovar.tj/wp-content/uploads/2024/04/Voh-r-bo-direktori-Markazi-bajnalmilalii-amniyati-ob-va-Mudiriyati-rushd-ta-ti-sarparastii-YUNESKO-UNESCO-i-WSSM.jpeg)
ДУШАНБЕ, 24.04.2024 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Корея Салоҳиддин Киром бо директори Маркази байналмилалии амнияти об ва Мудирияти рушд таҳти сарпарастии ЮНЕСКО (UNESCO i-WSSM) Бонгу Шин мулоқот намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар вохӯрӣ ҷонибҳо масъалаҳои густариши ҳамкориро дар соҳаи об, аз ҷумла иштироки маркази номбурда дар Конфронси 3-юми байналмилалии сатҳи баланд оид ба «Даҳсолаи байналмилалии об барои рушди устувор, солҳои 2018-2028», ки 10-13 июни соли 2024 дар шаҳри Душанбе доир мегардад, баррасӣ намуданд.
АКС: Вазорати корҳои хориҷии Ҷумҳурии Тоҷикистон