Донишҷӯёни тоҷик дар олимпиадаи информатика байни 70 муассисаи олии ҷаҳон сазовори ҷойҳои намоён гардиданд
ДУШАНБЕ, 22.04.2024. /АМИТ «Ховар»/. Донишҷӯёни тоҷик дар Олимпиадаи дуюми байналмилалӣ оид ба информатика, ки дар Донишгоҳи байналмилалии нафту гази Туркманистон ба номи Ягшигелди Какаеви шаҳри Ашқобод доир шуд, сазовори ҷойҳои намоён гардиданд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Дар олимпиада 5 донишҷӯи Донишгоҳи техникии Тоҷикистон ба номи академик Муҳаммад Осимӣ фаъолона иштирок намуда, соҳиби се ҷойи дуюм, як ҷойи сеюм ва як сертификат барои иштироки фаъолона шуданд.
Дар олимпиада 350 нафар аз 70 муассисаи таълимии Ҷумҳурии Федералии Олмон, Федератсияи Русия, Тоҷикистон, Туркманистон, Озарбойҷон, Туркия, Эрон, Қатар, Уммон, Гурҷистон, Қазоқистон, Қирғизистон, Ҷумҳурии Мардумии Чин, Арабистони Саудӣ, Арманистон ва дигар давлатҳо иштирок намуданд.
Гуфта мешавад, ки дастоварди донишҷӯён барои таҳкими ҳамкорӣ байни муассисаҳои таълимии Тоҷикистон ва Туркманистон дар самти табодули академӣ, баргузории чорабиниҳои илмӣ, омӯзиши таҷрибаи пешқадам, омода намудани мутахассисони баландихтисоси самти IT ва дигар тарҳҳои нави ҳамкорӣ заминаи мусоид мегузорад.
АКС: Маркази матбуоти Вазорати маориф ва илми Ҷумҳурии Тоҷикистон
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
