«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
ДУШАНБЕ, 22.04.2024 /АМИТ «Ховар»/. Дар шаҳри Душанбе бо иштироки роҳбарияти Муассисаи давлатии «Тоҷикфилм» ва Агентии кинематографияи назди Вазорати фарҳанги Ҷумҳурии Узбекистон Протоколи ҷаласаи комиссияи муштараки Точикистону Узбекистон оид ба таҳияи филмномаи филми ҳунарии муштараки «Дурахши ахтарон: Ҷомӣ ва Навоӣ» имзо карда шуд. Дар ин хусус АМИТ «Ховар» бо истинод ба Муассисаи давлатии «Тоҷикфилм » хабар медиҳад.
Протоколро аз ҷониби Тоҷикистон директори Муассисаи давлатии «Тоҷикфилм» Маҳмадсаид Шоҳиён ва аз ҷониби Узбекистон муовини директори Агентии кинематографияи назди Вазорати фарҳанги Ҷумҳурии Узбекистон Шуҳрат Ризоев ба имзо расониданд.
Изҳори итминон карда шуд, ки дар фурсати наздиктарин корҳои омодагӣ барои наворбардории филм шуруъ мегардад.
Хотирнишон менамоем, ки дар доираи баргузории Рӯзҳои синамои Узбекистон аз ҷониби гурӯҳи эҷодии ҷониби Тоҷикистон филмномаи мазкур мавриди таҳриру таҳлил қарор дода шуд.
Дар ҷаласаи муштараки коршиносони соҳаи синамои Тоҷикистону Узбекистон, ки аз 13 то 19 апрели соли 2024 дар шаҳри Душанбе баргузор гардид, чорабиниҳои муқаддамотии анҷомшуда баррасӣ гардиданд. Филмнома саҳна ба саҳна мавриди муҳокима қарор гирифт. Бо мувофиқаи тарафайн ба матни филмнома тағйиру иловаҳои ниҳоӣ ворид карда шуданд.
Нусхаи ниҳоии филмномаи филми ҳунарии муштараки «Дурахши ахтарон: Ҷомӣ ва Навоӣ» мувофиқа ва тасдиқ гардид.
АКС: Муассисаи давлатии «Тоҷикфилм»
Имрӯз дар Бохтар Симпозиуми байналмилалии «Хутали қадим — пойгоҳи зуҳури забони тоҷикӣ-форсӣ ва тамаддуни бостонии Осиёи Марказӣ» оғоз мегардад
«Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
Имрӯз дар Душанбе ғолибони Фестивал-озмуни «Як матову сад ранг» муайян мегарданд
ЁДИ ШОИР. Дар Ҳисор ба ифтихори 115-солагии Шоири халқии Тоҷикистон Мирзо Турсунзода маҳфили адабӣ доир шуд
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Рушди соҳаи иттилоот ва алоқа дар Тоҷикистон ба рақамикунонии миллӣ равона гардидааст
Масъалаи баргузории Рӯзҳои фарҳанги Покистон дар Тоҷикистон баррасӣ карда шуд
Намояндаи САҲА оид ба озодии ВАО Ян Браату: Дастрасӣ ба иттилои расмӣ дар Ҷумҳурии Тоҷикистон дар сатҳи баланд аст
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Дар ноҳияи Рӯдакӣ таҳти унвони «Тоҷикона мепӯшем!» ҳамоиши занону духтарон баргузор гардид
Дар Минск нахустин тарабхонаи тоҷикӣ бо номи «Умари Хайём» ифтитоҳ гардид
Роҳбарият ва кормандони Осорхонаи миллӣ дар Рим осорхонаҳои Капитолиниро тамошо намуданд
