ФУТБОЛ. Ғолибони бозиҳои даври дуюми Чемпионати Тоҷикистон 2024 байни дастаҳои Лигаи олӣ муайян гардиданд

Апрель 16, 2024 11:06

ДУШАНБЕ, 16.04.2024 /АМИТ «Ховар»/. Бозиҳои даври дуюми чемпионати Тоҷикистон дар мавсими 2024 ба анҷом расиданд. Дастаҳои футболи    «Истиқлол»-и шаҳри Душанбе, КМВА-и шаҳри Душанбе  ва «Ҳосилот»-и ноҳияи Фархор пешсаф мебошанд. Дастаҳои  футболи  «Вахш»-и шаҳри Бохтар   ва «Куктош»-и ноҳияи Рӯдакӣ  то ҳанӯз гол назадаанд. Дар ин хусус шореҳи варзиши АМИТ «Ховар»  бо истинод ба Федератсияи футболи Тоҷикистон хабар медиҳад.

Дастаҳои футболи  «Вахш»-и шаҳри Бохтар   ва  «Панҷшер»-и ноҳияи Ҷалолиддини Балхӣ  то ҳанӯз имтиёз надоранд. Дастаи футболи «Равшан»-и шаҳри Кӯлоб  аввалин пирӯзиро дар майдони хонагӣ ба даст овард. Дастаи «Истаравшан»-и шаҳри Исратавшан аввалин имтиёзро баъди бозӣ бо дастаи футболи  «Барқчӣ»-и шаҳри Ҳисор  ба даст овард.

Дастаи футболи  «Регар-ТадАЗ»-и шаҳри Турсунзода ягона дастае аст, ки ба дарвозааш гол сар надодааст. Ҳамчунин дар даври дуюм нисбат ба даври якум 7 гол камтар зада шуд (21-14). Бозии аз ҳама сертамошобини даври дуюм бо 13 ҳазору 486 нафар мухлис  бозии дастаҳои  футболи  «Равшан»-и шаҳри Кӯлоб  ва «Панҷшер»-и ноҳияи Ҷалолиддини Балхӣ  буд.

Хотиррасон мешавем, ки 12  апрел дар Варзишгоҳи марказии шаҳри Ҳисор бозии дастаҳои футболи  «Куктош»-и ноҳияи Рӯдакӣ  ва «Регар-ТадАЗ»-и шаҳри Турсунзода  мусовӣ- бе гол анҷом ёфт. Ин аввалин бозӣ дар мавсими имсолаи чемпионати Тоҷикистон буд, ки дар он тӯб ба нишон нарасид.

Инчунин 13  апрел дар варзишгоҳи «20 солагии Истиқлолияти Тоҷикистон» дастаҳои  футболи «Эсхата»-и шаҳри Хуҷанд  ва КМВА-и шаҳри Душанбе  бозӣ намуданд. Дар ин бозӣ дастаи «Эсхата»-и шаҳри Хуҷанд  аз дастаи  КМВА-и шаҳри Душанбе бо ҳисоби 0 бар 3 шикаст хӯрд. Голҳои дастаи  КМВА-и шаҳри Душанберо Абдулло Шарипов, Муҳиддин Одилов ва Комрони Мирзохон ба нишон расониданд.

Дастаҳои футболи «Вахш»-и шаҳри Бохтар  ва «Истиқлол»-и шаҳри Душанбе   дар Варзишгоҳи марказии шаҳри Душанбе бозӣ намуданд. Дар ин бозӣ аз дастаи «Истиқлол»-и шаҳри Душанбе Алишер Ҷалилов ва Шервонӣ Мабатшоев (дубл) тӯбҳоро ба нишон раосниданд.

Бозии охири даври дуюм байни дастаҳои  «Истаравшан»-и шаҳри Исратавшан  ва  «Барқчӣ»-и шаҳри  Ҳисор дар варзишгоҳи «20- солагии «Истиқлолияти Тоҷикистон» доир шуда, ғолиб муайян нашуд. Тӯби мизбононро Ҷамшед Ҳасанов ва тӯби меҳмононро Билол Бобоев ба   нишон расониданд.

Бозиҳои даври сеюм дар Лигаи олӣ

19 апрел | 18:00

«Ҳосилот» – «Эсхата»

«Панҷшер» – «Истаравшан»

20 апрел | 18:00

«Барқчӣ» – «Вахш»

КМВА – «Равшан»

21 апрел | 18:00

«Регар-ТадАЗ» – «Хуҷанд»

«Истиқлол» – «Куктош»

АКС: Федератсияи футболи Тоҷикистон

Апрель 16, 2024 11:06

Хабарҳои дигари ин бахш

Ширкати «IRS»: «Шумораи техникаҳои пойгоҳи техникӣ ба 228 адад расид»
ДУРНАМОИ ҲАМКОРИИ ТОҶИКИСТОНУ ЧИН. Дар Душанбе дар ин мавзуъ конфронси байналмилалӣ доир мегардад
Дар Тоҷикистон ҳавои тағйирёбанда пешгӯӣ мешавад
Боз ҳашт корманди ширкати «МегаФон Тоҷикистон» унвони соҳавӣ гирифтанд
ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ЭҲТИЁТ- НИМИ ҲАЁТ! Аз аввали соли равон дар Тоҷикистон 66 нафар ғарқ шуданд
20-21 июн дар баъзе минтақаҳои Тоҷикистон хавфи селҳои маҳаллӣ боқӣ мемонад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд
ДАСТОВАРДҲОИ СОҲИБИСТИҚЛОЛӢ. Шурои ҷамъиятии назди Сафорати Тоҷикистон дар Русия дар ин мавзуъ озмун эълон кард
Дар рӯзномаи байналмилаллии арабии «Аш- Шарқ ал-Авсат» фарҳангу адабиёти тоҷик муаррифӣ гардид
Дар Хатлон 44 лоиҳаи сармоягузорӣ татбиқ мегардад
Дар Бадахшон фаъолони маъракаи даъвати баҳории ҷавонписарон ба сафи Артиши миллӣ қадрдонӣ шуданд