Лоиҳаи Харитаи электронии шаҳри Душанбе муаррифӣ гардид
ДУШАНБЕ, 27.04.2024 /АМИТ «Ховар»/. 26 апрел бо ташаббуси Мақомоти иҷроияи ҳокимияти давлатии шаҳри Душанбе аз ҷониби КВД «Шаҳри ҳушманд» (Smart city) Лоиҳаи Харитаи электронии шаҳри Душанбе муаррифӣ гардид. Лоиҳаи мазкур ҳамчун таҷдиди рақамии тамоми сохторҳои шаҳри Душанбе хизмат расонида, барои сокинон ва меҳмонони пойтахт роҳнамои хубе хоҳад буд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Душанбе хабар медиҳад.
Бояд гуфт, ки дар доираи дастуру супоришҳои Раиси шаҳри Душанбе муҳтарам Рустами Эмомалӣ дар баробари дигар дастоварду навовариҳое, ки дар пойтахт тайи чанд соли охир ба амал омадааст, аз ҷониби КВД «Шаҳри ҳушманд» -и Мақомоти иҷроияи ҳокимияти давлатии шаҳри Душанбе Лоиҳаи Харитаи электронии шаҳри Душанбе таҳия гардид.
Дар озмун чанд ширкат барои омода намудани Лоиҳаи Харитаи электронии шаҳри Душанбе иштирок карда, ҳуҷҷат пешниҳод намуданд. Аз бани онҳо лоиҳаи гурӯҳи ширкатҳои «ЭРА» бо пешниҳоди бартарияти инноватсионӣ аз ҷониби Мақомоти иҷроияи ҳокимияти давлатии шаҳри Душанбе қабул гардид.
Зимни муаррифии Лоиҳаи мазкур гуфта шуд, ки ин навоварӣ ва лоиҳаи инноватсионӣ талаботи замони муосир буда, марҳила ба марҳила ба рақамикунонии ҳама соҳаҳо мегузарад.
Мавриди таъкид аст, ки лоиҳа «Картография»-ро дар бар гирифта, дар он корҳо оид ба муайянсозии ҳудуди шаҳр, таҳияи харитаи дученакаи шаҳр, омода намудани қабати нармафзор барои харита, тавлиди маҷмӯи ибтидоии инфрасохтор ва амсоли онҳо амалӣ карда мешавад.
Хусусият ва тарҳрезии система, ки дар он тадқиқоти тамоми муассисаҳои давлатӣ, ташаккули шартҳои техникӣ барои сохтани система, талабот ба қисми нармафзори комплекс, ташаккули маҷмӯи ҳуҷҷатҳои лоиҳакашӣ барои маҷмӯи барномавӣ-техникии «Smart city Dushanbe» амалӣ шудаанд, барои осон ва беҳбуд бахшидани кор мусоид мебошад.
Дар муаррифии лоиҳаи мазкур муовинони Раиси шаҳри Душанбе, роҳбари дастгоҳи Раиси шаҳри Душанбе, роҳбарони мақомоти ҳифзи ҳуқуқ ва дигар сохторҳои марбутаи шаҳр иштирок доштанд.
Дар охир иштирокдорони ҷамъомад барои боз ҳам мукаммал сохтани лоиҳаи мазкур таклифҳои ҷолиб пешниҳод намуда, ҳамчунин ба саволҳои худ посухи мушаххас гирифтанд.
АКС: Мақомоти иҷроияи ҳокимияти давлатии шаҳри Душанбе
«САЙРИ ГУЛИ ЛОЛА». Дар ҳудуди шаҳри Душанбе зиёда аз 5 миллион адад гули лола шинонида шуд
Рустами Эмомалӣ пешниҳод намуданд, ки гӯштингирӣ ба Бозиҳои Осиё ва Бозиҳои олимпӣ ворид карда шавад
Рустами Эмомалӣ бо Валид ибни Абдураҳмон Ар-Решайдон мулоқот анҷом доданд
Раиси шаҳри Душанбе бо роҳбари намояндагии Бонки Осиёии рушд мулоқот намуданд
ЧУН ДУШАНБЕ МАН НАДИДАМ САБЗШАҲРЕ ДАР ҶАҲОН. Ба Рӯзи пойтахти Ҷумҳурии Тоҷикистон бахшида мешавад
Имрӯз дар чор ноҳияи шаҳри Душанбе намоишҳои фурӯши маҳсулоти мавриди ниёзи аввал ташкил гардиданд
Ҷаласаи якҷояи Маҷлиси вакилони халқи шаҳри Душанбе ва ноҳияҳои он оид ба интихоботи аъзои Маҷлиси миллӣ баргузор шуд
Барои дар сатҳи баланд таҷлил намудани Рӯзи пойтахти Ҷумҳурии Тоҷикистон омодагиҳо идома доранд
Дар Майдони «Истиқлол» барномаи фарҳангии фараҳафзо баргузор гардид
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Ба муносибати Ҷашни байналмилалии Наврӯз дар ноҳияҳои шаҳри Душанбе барномаҳои фарҳангӣ-фароғатӣ баргузор шуданд
Имрӯз ба ифтихори ҷашни Наврӯз дар Майдони Истиқлоли пойтахт барномаи консертӣ бо мушакпаронӣ доир карда мешавад
