Мақомоти Чин барои минтақаҳое, ки аз селу обхезӣ зарар дидаанд, беш аз 15 миллион доллар ҷудо намуданд
ДУШАНБЕ, 26.04.2024 /АМИТ «Ховар»/. Вазорати молия ва вазорати идораи ҳолатҳои фавқулодаи Чин рӯзи чаҳоршанбе аз хазинаи марказии кумак ба офатҳои табиӣ 110 миллион юан (ҳудуди 15,48 миллион доллар) барои ҳимоят аз обхезӣ ва рафъи оқибатҳои офатҳои табиӣ дар музофоти Сзянси, Гуандун ва вилояти мухтори Гуанси-Чжуан ҷудо намуданд. Тавре АМИТ «Ховар» бо истинод ба «Казинформ» хабар медиҳад, дар ин хусус «Синхуа» иттилоъ додааст.
Ба иттилои манбаъ, аз ҷумла 40 миллион юан ба Сзянси, 50 миллион юан ба Гуандун ва 20 миллион юан ба вилояти мухтори Гуанси-Чжуан ҷудо мешавад.
Маблағҳо барои гузаронидани амалиёти фавқулодаю наҷот ва кӯчонидани зарардидагон, муайян кардани хатарҳои пинҳонии офатҳои дуюмдараҷаю рафъи изтирории онҳо ва таъмири биноҳои истиқоматии вайроншуда сарф мешаванд.
Мақомоти музофоти Гуандун рӯзи душанбе хабар доданд, ки бар асари бориши пай дар пай, ки рӯзҳои охир дар бисёре аз манотиқи ин вилоят ба амал омад, чаҳор нафар ҳалок шуданд.
АКС аз манбаъҳои боз
Имрӯз дар шаҳри Душанбе ҳаво то 25 дараҷа гарм мешавад
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
