Пайрав Воҳидов: «Бисёр шодем, ки бозии даври аввали марҳилаи гурӯҳии Ҷоми Осиё-2024-ро бо ғалаба анҷом додем»
ДУШАНБЕ, 19.04.2024 /АМИТ «Ховар»/. Сармураббии дастаи мунтахаби футзали Тоҷикистон Пайрав Воҳидов натиҷаи бозии даври аввали марҳилаи гурӯҳии Ҷоми Осиё-2024 бо дастаи мунтахаби Кореяи Ҷанубиро шарҳ дод. Вохӯрӣ байни ин дастаҳои мунтахаб 18 апрел дар шаҳри Бангкок баргузор шуда, бо ҳисоби 2:0 ба фоидаи дастаи мунтахаби Тоҷикистон анҷом ёфт. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Сармураббии дастаи мунтахаби футзали Тоҷикистон Пайрав Воҳидов, аз ҷумла гуфт, ки «ғалаба дар бозии якум бисёр муҳим аст. Вақте чунин мусобиқаи бузург, ба мисли Ҷоми Осиёро бо пирӯзӣ оғоз мекунӣ, ин ба бозингарон боварӣ мебахшад. Мо дар бозӣ аввал хеле рақобати душвор гузарондем. Дастаи мунтахаби футзали Кореяи Ҷанубӣ рақиби хуб аст, аммо чизи асосӣ- ин натиҷа аст. Мо ба хатоиҳо роҳ додем, вале кӯшиш мекунем, ки дар вохӯриҳои минбаъда онро такрор накунем. Шодам, ки футзалбозони бомаҳорати мо дар вохӯрии аввал дар ҳимоя хуб бозӣ намуда, ба дарвозаамон гол сар надоданд».
Ёдовар мешавем, ки дастаи мунтахаби футзали Тоҷикистон дар даври дуюм- 20 апрел бо дастаи мунтахаби Қирғизистон бозӣ мекунад. Вохӯрии дастаҳо дар маҷмааи варзишии «Бангкок Арена» доир мешавад. Оғози рақобат ба вақти Душанбе соати 12:00 аст.
АКС: Федератсияи футболи Тоҷикистон
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
