Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд

Апрель 15, 2024 17:45

ДУШАНБЕ, 15.04.2024 /АМИТ «Ховар»/. Дар партави Соли маърифати ҳуқуқӣ эълон гардидани соли 2024 мулоқоти роҳбарияти раёсати Вазорати корҳои дохилӣ дар вилояти Хатлон ва дигар шахсони масъули мақомоти ҳифзи ҳуқуқ ва тартиботи ҷамъиятӣ бо намояндагони шуъбаҳои маориф ва директорони муассисаҳои таълимии минтақаи Кӯлоб баргузор гардид. Дар ин хусус АМИТ «Ховар» бо истинод ба рӯзномаи «Хатлон» иттилоъ медиҳад.

Бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон баҳри  пешгирӣ аз ҳамроҳшавии ҷавонон ба ҳизбу ҳаракатҳои ифротӣ, аз байн бурдани зуҳуроти манфии халалдоркунандаи тартиботу оромии ҷомеа ва амнияти миллӣ, решакан намудани ҷинояткорӣ байни наврасону ҷавонон ва тарбияи онҳо дар руҳияи ватандӯстиву ифтихори миллӣ силсилатадбирҳои муҳим амалӣ карда мешаванд.

Аз ҷумла, зимни мулоқоти роҳбарияти раёсати Вазорати корҳои дохилӣ дар вилояти Хатлон ва роҳбарони раёсати маорифи вилояти Хатлон бо мудирони шуъбаҳои маорифи шаҳру ноҳия ва директорони муассисаҳои таълимии минтақаи Кӯлоб таъкид карда шуд, ки риояи пурраи талаботи Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» талаботи замон буда, нақши аҳли маориф дар татбиқи ин қонун муҳим мебошад.

Иттилоъ дода мешавад, ки мулоқот ба таҳким бахшидани ҳамкории милитсия бо ҷомеа, баланд бардоштани маърифати ҳуқуқӣ, таҳкими худшиносиву худогоҳии ҷавонон, пешгирии кирдорҳои зиддиҳуқуқӣ байни ҷавонон равона шудааст. Зимни мулоқот вобаста ба ташкили фазои ҳамдигарфаҳмии дуҷониба байни кормандони соҳаи маориф, милитсия ва аҳли ҷомеа, баррасии фаврии арзу дархост ва пешниҳоду муроҷиатҳои шаҳрвандон, тарбияи ҳуқуқии ҷавонону наврасон дар руҳияи эҳтиром ба қонун ва арзишҳои милливу таърихӣ, бартараф намудани камбудиҳо дар маҳал ва нигоҳдошти солимии ҷомеа фикру мулоҳизаҳо баён шуданд.

Дар мулоқот гуфта шуд, ки бо дастгириву ғамхориҳои пайвастаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон якчанд лоиҳаи бузурги инвеститсионӣ дар соҳаҳои иқтисодӣ, иҷтимоӣ, маорифу тандурустӣ ва инфрасохтори шаҳри Кӯлоб амалӣ мешаванд, ки ба боз ҳам беҳтар гардидани сатҳи некуаҳволии сокинон мусоидат менамоянд.

 АКС: Рӯзномаи «Хатлон»

Апрель 15, 2024 17:45

Хабарҳои дигари ин бахш

Дар давраи соҳибистиқлолӣ дар соҳаи илму маориф беш аз 1400 лоиҳаи сармоягузории давлатӣ ба маблағи 36 миллиард сомонӣ амалӣ гардид
Дар Донишгоҳи технологии Тоҷикистон озмунҳои «Ихтироъкорони ҷавон» ва «Беҳтарин лоиҳаҳои инноватсионии донишҷӯён» баргузор шуданд
Донишгоҳи давлатии омӯзгории Тоҷикистон бо ширкатҳои чинӣ ҳамкориро тақвият медиҳад
Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва Вазорати маорифи Федератсияи Русия созишномаи ҳамкорӣ ба имзо мерасонанд
Донишгоҳи давлатии омӯзгории Тоҷикистон дар рейтинги Вазорати маорифи Чин дар ҷойи аввал қарор гирифт
Бахшида ба Рӯзи байналмилалии ҳифзи кӯдакон Ҳафтаи кӯдакон ва наврасони шаҳри Душанбе оғоз гардид
Дар Донишгоҳи техникии Тоҷикистон конференсияи байналмилалӣ баргузор гардид
Байни Донишгоҳи давлатии Кӯлоб ва Донишгоҳи давлатии Ленинград санади ҳамкорӣ ба имзо расид
Дар Донишгоҳи технологии Тоҷикистон 127 нафар забони кореягӣ омӯхтанд
«ХОНАНДАИ БЕҲТАРИНИ АСАРҲОИ ПЕШВОИ МИЛЛАТ». Дар Донишгоҳи давлатии Кӯлоб даври аввали озмуни ҷумҳуриявӣ оғоз шуд
БИСТСОЛАИ ОМӮЗИШ ВА РУШДИ ИЛМҲОИ ДАҚИҚ. Дар Душанбе ғолибони озмунҳо ҳавасманд гардонида шуданд
«ИЛМ-ФУРӮҒИ МАЪРИФАТ». Дар даври шаҳрии озмуни ҷумҳуриявӣ дар Хоруғ 189 довталаб иштирок дорад