«САЛОМАТИИ МАН-ҲУҚУҚИ МАН». Бахшида ба Рӯзи ҷаҳонии саломатӣ сокинони Тоҷикистон аз муоинаи ройгони тиббӣ мегузаранд
ДУШАНБЕ, 05.04.2024. /АМИТ «Ховар»/. Бахшида ба Рӯзи ҷаҳонии тандурустӣ (7 апрел) пагоҳ аз соати 07:00 то соати 12:00 дар Маҷмааи тандурустии «Истиқлол» бо иштироки мутахассисони соҳаи тиб ташхис ва муоинаи ройгони шаҳрвандон гузаронида мешавад. Дар ин хусус ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад.
Дар доираи чорабинӣ баҳри пешгирии беморшавӣ дар байни аҳолӣ мутахассисони баландпояи соҳаҳои гуногуни тиб ба шаҳрвандон машварат, муоина ва дигар чорабиниҳои ташхисиро ба таври ройгон мегузаронанд.
Ҳамзамон аз ҷониби устодони муассисаҳои олӣ ва касбии таълимии тиббӣ бо доираи васеи аҳолӣ суҳбат ва машваратҳои тахассусӣ баргузор мешаванд.
Чунин маъракаҳои солимгардонӣ ҳамзамон дар дигар муассисаҳои тиббию табобатии ҷумҳуриявӣ, вилоятӣ ва шаҳру ноҳияҳои мамлакат низ баргузор мегарданд.
Вазорати тандурустӣ ва ҳифзи иҷтимоии аҳолӣ шаҳрвандони мамлакатро даъват менамояд, ки дар ин чорабинӣ иштирок намуда, аз имконият ва шароити мусоид истифода бурда, вазъи саломатиашонро боз ҳам беҳтар намоянд.
Ёдовар мешавем, ки Рӯзи ҷаҳонии саломатӣ ҳамасола бо шиорҳои гуногун эълон гардида, имсол он таҳти шиори «Саломатии ман-ҳуқуқи ман» баргузор мешавад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
