Шавкат Мирзиёев: «Тоҷикистон барои Узбекистон шарики боэътимоди стратегӣ ва дӯсти наздик дониста мешавад»
ДУШАНБЕ, 19.04.2024 /АМИТ «Ховар»/. «Мо, шарикони иқтисодӣ ва ҳамсояҳои нек аз пешрафту дастовардҳои Тоҷикистони ҳамсоя самимона шод ҳастем. Дар ҳама ҳолат мо дар паҳлуи шумо ҳастем ва ин воқеияти бебаҳс аст, ки мо ҳамеша бо шумоем»,- иброз намуд Президенти Ҷумҳурии Узбекистон муҳтарам Шавкат Мирзиёев 18 апрел зимни нишасти матбуотӣ оид ба натиҷаҳои сафари давлатӣ ба Ҷумҳурии Тоҷикистон.
Дар идома ӯ тазаккур дод, ки мардумони бародари тоҷику узбекро риштаи мустаҳками дӯстии бисёрасра, таърих, урфу одат ва фарҳангу маънавиёти муштарак бо ҳам мепайванданд.
Президенти Ҷумҳурии Узбекистон ҳамчунин гуфт, ки «дар робита ба ин мехоҳам бори дигар иброз намоям, ки Тоҷикистон барои Узбекистон шарики боэътимоди стратегӣ ва дӯсти наздик дониста мешавад».
Сарвари давлати ҳамсоя ба натиҷаҳои мулоқоту музокироти сатҳи олии Тоҷикистон ва Узбекистон баҳои баланд дода, таъкид дошт, ки ба имзо расидани шумораи зиёди санадҳои нави ҳамкорӣ, бахусус Аҳдномаи ҳампаймонӣ байни ду давлати ҳамсоя барои густариши бесобиқаи робитаҳо роҳи васеъ боз менамояд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Имрӯз дар вазоратҳои корҳои дохилӣ, адлия, Суди Олӣ ва Хадамоти гумрук нишасти матбуотӣ баргузор мегардад
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
Дар шаҳри Бӯстон трансформатори муосир насб гардид
НИШАСТИ МАТБУОТӢ. Дар Донишкадаи кӯҳию металлургии Тоҷикистон факултети зеҳни сунъӣ ва технологияҳои нав таъсис дода шуд
НИШАСТИ МАТБУОТӢ. Соли 2025 дар ноҳияи Шаҳринав 947 нафар бо ҷойи кор таъмин гардид
