150 номгӯй китоби бадеӣ, илмӣ ва таърихии нашриёти Тоҷикистон ба Намоишгоҳи байналмилалии «Китоби Теҳрон» пешниҳод гардид
ДУШАНБЕ, 13.05.2024. /АМИТ «Ховар»/. 150 номгӯй китобҳои бадеӣ, илмӣ ва таърихии нашриёти Тоҷикистон дар Намоишгоҳи байналмилалии «Китоби Теҳрон», ки дар шаҳри Теҳрони Ҷумҳурии Исломии Эрон оғоз шуда, то 18 май идома мекунад, ба алоқамандони мутолиа манзур гардидаанд. Ин намоишгоҳ беҳтарин фурсатро барои ҳамкорӣ бо адибону ноширони ин давлат фароҳам меорад. Дар ин хусус ба АМИТ «Ховар» сардори Раёсати табъу нашр ва матбуоти Вазорати фарҳанги Ҷумҳурии Тоҷикистон Раҳмоналӣ Шералиев иттилоъ дод.
Намоишгоҳ аз рӯи масоҳати майдон, теъдоди давлатҳои иштироккунанда, шумораи ноширони дохилию хориҷӣ ва теъдоду унвони китобҳои пешниҳодшуда дар минтақа беназир аст.
«Таваҷҷуҳи китобдӯстони эронӣ ба ғурфаи Тоҷикистон хеле зиёд аст. Бисёриҳо вақти зиёдашонро ба тамошои ғурфаи китоби мамлакати мо сарф менамоянд ва оид ба давлати ҳамзабону ҳамфарҳангашон суоли зиёд дода, посух мегиранд. Нафарони зиёде шодиашонро аз иқдоми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи нашр ва тақдими шоҳасари безаволи Ҳаким Фирдавсӣ «Шоҳнома» ба ҳар хонадони мамлакат иброз намуда, ба хотири арҷгузорӣ ба фарҳанги бузурги ориёӣ ба Сарвари давлати мо дуруд мефиристанд»,-изҳор намуд Раҳмоналӣ Шералиев.
Иштирок дар намоишгоҳҳои байналмилалии китоб дар Теҳрон ва Душанбе яке аз арсаҳои ҳамкорӣ байни вазоратҳои фарҳанги ду давлати дӯст: Тоҷикистон ва Ҷумҳурии Исломии Эрон маҳсуб мешавад.
АКС аз манбаъҳои боз
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
