Ҳайати дастаи мунтахаби Тоҷикистон оид ба футбол барои бозиҳои интихобии Ҷоми ҷаҳон-2026 муайян шуд

Май 20, 2024 16:50

ДУШАНБЕ, 20.05.2024 /АМИТ «Ховар»/. Ситоди мураббиёни дастаи мунтахаби Тоҷикистон оид ба футбол ҳайати тимро, ки ба бозиҳои интихобии Ҷоми ҷаҳон-2026 дар гурӯҳи «G» ба муқобили яккачинҳои Урдун (6 июн, Уммон) ва Покистон (11 июн, Душанбе) омода мешавад, эълон намуд хабар медиҳад АМИТ «Ховар» бо истинод ба Федератсияи футболи Тоҷикистон.

Ба дастаи мунтахаб 23 бозигар – 3 дарвозабон, 8 ҳимоятгар, 8 нимҳимоятгар ва 4 ҳамлагар даъват шудаанд. Алишер Ҷалилов, нимҳимоятгари «Истиқлол»-и Душанбе ба далели ҷароҳат доштанаш дар бозиҳои интизор иштирок намекунад.

Дастаи мунтахаби Тоҷикистон 22 май омодагиро ба бозиҳои оянда оғоз менамояд. Дар ин рӯз дастаи мо ба ҷамъомади таълимиву тамринӣ ба Қатар меравад ва онҷо то 2 июн мемонад. 3 июн дастаи мунтахаби Тоҷикистон аз Давҳа барои анҷоми бозии панҷуми даври дуюми марҳилаи интихобии Ҷоми ҷаҳон-2026 дар гурӯҳи «G» ба муқобили тими миллии Урдун ба Уммон меравад.

Ин бозӣ 6 июн дар Варзишгоҳи байналмилалии Уммон баргузор шуда, соати 20:30 ба вақти маҳаллӣ (соати 22:30 ба вақти Душанбе) оғоз мешавад.

Пас аз бозӣ бо Урдун дастаи мунтахаби Тоҷикистон ба Душанбе бармегардад ва 11 июн бозии ниҳоии даври дуюми марҳилаи интихобии Ҷоми ҷаҳон-2026-ро бар зидди тими миллии Покистон анҷом медиҳад.

Ҳайати дастаи мунтахаби Тоҷикистон барои бозиҳои интихобии Ҷоми ҷаҳон-2026 бо тимҳои миллии Урдун (6 июн) ва Покистон (11 июн):

Дарвозабонҳо: Рустам Ятимов, Муҳриддин Ҳасанов (ҳарду аз «Истиқлол»), Далерҷон Баротов («Истаравшан»);

Ҳимоятгарон: Ваҳдат Ҳанонов («Персеполис», Эрон), Зоир Ҷӯрабоев, Манучеҳр Сафаров (ҳарду аз «Нефтчӣ», Узбекистон), Меҳрубон Каримов («Самгурали», Гурҷистон), Аҳтам Назаров, Табрез Исломов, Содиқҷон Қурбонов (ҳама аз «Истиқлол»), Раҳматшо Раҳматзода («Равшан»);

Нимҳимоятгарон: Парвизҷон Умарбоев (ССКА-1948, Булғористон), Алишер Шукуров («Динамо-Тбилиси», Гурҷистон), Фатҳулло Олимзода («Атирау», Қазоқистон), Амирбек Ҷӯрабоев, Эҳсони Панҷшанбе, Амадонӣ Камолов (ҳама аз «Истиқлол»), Шарафҷон Солеҳов («Регар-ТадАЗ»), Абубакр Сулаймонов («Барқчӣ»);

Ҳамлагарон: Шаҳром Самиев («Андиҷон», Узбекистон), Шервонӣ Мабатшоев, Рустам Соиров (ҳарду аз «Истиклол»), Нуриддин Ҳамроқулов («Ҳосилот»).

Сармураббӣ – Гела Шекиладзе (Гурҷистон).

АКС: Федератсияи футболи Тоҷикистон

Май 20, 2024 16:50

Хабарҳои дигари ин бахш

ФУТБОЛ. Тими «Хуҷанд» бо ҳисоби 3:0 бар дастаи «Куктош» ғолиб омад
Варзишгарони Тоҷикистон дар Бозиҳои варзишии кишварҳои БРИКС – 2024 9 медал ба даст оварданд
ФУТБОЛ. Машғулиятҳои омӯзишӣ аз рӯйи барномаи иҷозатномаи «В» ба охир расид
ЧЕМПИОНАТИ ОСИЁ. Қаиқрони тоҷик Муҳаммадӣ Раҷабов бо медалҳои тилло ва нуқра ба Ватан баргашт
Бозингари дастаи «Истиқлол»-и Душанбе Рустам Ятимов расман ба дастаи «Ростов»-и Русия гузариш намуд
ҶОМИ ОСИЁ-2025. Моҳи сентябр марҳилаи интихобии мусобиқа баргузор мешавад
ҶОМИ ОСИЁ-2025. Дастаи наврасони Тоҷикистон дар гурӯҳи «J» қарор гирифт
Дар рӯзи аввалини бозиҳои БРИКС варзишгарони тоҷик 2 медали биринҷӣ ба даст оварданд
Ҳайати Тоҷикистон дар ифтитоҳи бозиҳои варзишии БРИКС 2024 дар шаҳри Қазон иштирок намуд
«ҶОМИ ҲИЗБИ ХАЛҚИИ ДЕМОКРАТИИ ТОҶИКИСТОН». Дар Хатлон мусобиқаи футбол оғоз гардид
ЧЕМПИОНАТИ ОСИЁ ОИД БА КУРАШ. Паҳлавонони тоҷик дар он соҳиби панҷ медал шуданд
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Покистон бозӣ мекунад